Director Maruthi: రాజాసాబ్ మూవీతో నేనంటే ఏంటో చూపిస్తాను.. డైరెక్టర్ మారుతీ కామెంట్స్ వైరల్?
టాలీవుడ్ దర్శకుడు మారుతి గురించి ప్రత్యేకంగా పరిచయం అక్కర్లేదు. ఈ రోజుల్లో, బస్ స్టాప్ ఇలాంటి చిన్న చిన్న సినిమాలతో కెరీర్ ను మొదలుపెట్టిన దర
- Written By: Nakshatra
- Publish Date - February 5, 2024 / 10:00 AM IST
టాలీవుడ్ దర్శకుడు మారుతి గురించి ప్రత్యేకంగా పరిచయం అక్కర్లేదు. ఈ రోజుల్లో, బస్ స్టాప్ ఇలాంటి చిన్న చిన్న సినిమాలతో కెరీర్ ను మొదలుపెట్టిన దర్శకుడు మారుతి డైరెక్టర్ తనకంటూ ప్రత్యేకమైన గుర్తింపును ఏర్పరచుకున్నారు. ఒకవైపు దర్శకుడుగా సినిమాలను తెరకెక్కిస్తూనే మరొకవైపు చిన్న, మంచి సినిమాలని ప్రోత్సహిస్తూ నిర్మాతగా, ప్రజెంటర్ గా కూడా ఉంటున్నారు. ప్రస్తుతం డైరెక్టర్ మారుతి రెబల్ స్టార్ ప్రభాస్ తో సినిమా చేస్తున్న సంగతి తెలిసిందే. ఈ ప్రాజెక్టుని ఏ ముహూర్తాన అనౌన్స్ చేశారు కానీ అప్పటినుంచి డైరెక్టర్ మారుతి పేరు సోషల్ మీడియాలో మారుమోగుతోంది.
అంతేకాకుండా రాజాసాబ్ సినిమా నుంచి ప్రభాస్ కి సంబంధించిన ఒక మాస్ లుక్ కి సంబంధించిన పోస్టర్ షేర్ చేయడంతో ఈ సినిమాపై ఒక్కసారిగా అంచనాలు పెరిగాయి. ఇంతకుముందు ఏ సినిమాలో లేని విధంగా ప్రభాస్ ఇందులో ఒక మాస్ క్యారెక్టర్ లో కనిపించనున్నారు. పోస్టర్ లో ప్రభాస్ లుంగీ కట్టుకొని ఫుల్ మాస్ గా కనిపించిన విషయం తెలిసిందే. ఇటీవలే ప్రభాస్ సినిమాకు రాజాసాబ్ అనే టైటిల్ ప్రకటించారు. రాజాసాబ్ సినిమా ఈ సంవత్సరం చివర్లో లేదా, వచ్చే సంవత్సరం సంక్రాంతికి వస్తుందని సమాచారం. అయితే ఇటీవల రాజాసాబ్ సినిమా నుంచి నెలకొక అప్డేట్ ఇస్తామని మారుతి అన్నారు. తాజాగా ట్రూ లవర్ అనే సినిమా ట్రైలర్ లాంచ్ ఈవెంట్ లో మారుతీ సినిమా గురించి మాట్లాడిన తర్వాత ప్రభాస్ అభిమానులు రాజాసాబ్ గురించి అడగడంతో ఆసక్తికర వ్యాఖ్యలు చేశారు.
ఈ సందర్భంగా డైరెక్టర్ మారుతీ రాజాసాబ్ గురించి మాట్లాడుతూ.. ఆ సినిమా గురించి నేను మాటల్లో చెప్పలేను. చేతల్లో చూపించాల్సిందే. కచ్చితంగా నేనేంటో ఈ సినిమాతో మీరు చూస్తారు. ప్రతి నెల ఒక అప్డేట్ ఇస్తాను అని చెప్పాము. అప్డేట్ కదా అని చెప్పి ఏది పడితే అది ఇవ్వలేము. ఒకవేళ ఏమన్నా ఇస్తే.. ఇది కూడా ఒక అప్డేటా అంటారు మళ్ళీ. త్వరలోనే ఒక మంచి అప్డేట్ అయితే ఒకటి ఇస్తాము. కొంచెం వెయిట్ చేయండి. ఫ్యాన్స్ సోషల్ మీడియాలో నాకు మెసేజ్ లు చేస్తున్నారు. మీకు నచ్చే విధంగానే మీరు అనుకున్న దానికంటే పది శాతం ఎక్కువే ఉండే అప్డేట్ తో వస్తాను అని అన్నారు. దీన్ని బట్టి చూస్తుంటే ఈ సినిమాను కొంచెం జాగ్రత్తగా ప్రభాస్ అభిమానులకు నచ్చే విధంగా రూపొందిస్తున్నట్లు అర్థమవుతోంది. మరి ఈనెల మారుతీ ఎలాంటి అప్డేట్ విడుదల చేస్తాడా అనే ప్రభాస్ అభిమానులు ఎంతో ఆతృతగా ఎదురుచూస్తున్నారు.