Adipurush Vs Mega 154: మెగాస్టార్ వర్సెస్ ప్రభాస్.. సంక్రాంతి రేసులో ‘ఆదిపురుష్, మెగా154’

Prabhas And Chiru

సంక్రాంతి అంటే కోళ్ల పందాలు.. ముగ్గులు.. గాలిపటాల సందడి మాత్రమే కాదు. సినిమా పండుగ కూడా. అందుకే టాలీవుడ్ హీరోలు సంక్రాంతి సెంటిమెంట్ కోసం తమ సినిమాలను విడుదల చేయాలని భావిస్తున్నారు. ఈ నేపథ్యంలో ఒకేసారి పెద్ద హీరోల సినిమాలు కూడా రిలీజ్ అవుతుంటాయి. అయితే వచ్చే ఏడాది సంక్రాంతి సినిమాల మధ్య ఆసక్తికర పోటీ నెలకొంది. ఈసారి మాత్రం ప్రభాస్ వర్సెస్ చిరంజీవిగా ఖాయమని తెలుస్తోంది. బాహుబలి సినిమాతో పాన్ ఇండియా హీరోగా మారిన ప్రభాస్ ‘ఆదిపురుష్’ లాంటి ప్రతిష్టాత్మక మూవీలో నటిస్తున్న విషయం తెలిసిందే. అయితే ఈ మూవీ జనవరి 12, 2023న 3నలో థియేటర్లలోకి రానుంది.

ఆసక్తికరం విషయం ఏమిటంటే..  ‘మెగా 154’ వర్కింగ్ టైటిల్ చిరంజీవి పేరులేని సినిమా కూడా 2023 సంక్రాంతికి విడుదల కానున్నది. దక్షిణాదిలో సంక్రాంతిని ఘనంగా జరుపుకోవడం మనందరికీ తెలిసిందే. బాలీవుడ్‌లో దీపావళి మాదిరిగానే దక్షిణాదిన సంక్రాంతి పండుగను జరుపుకుంటారు. అయితే రెండు సినిమాలు ఒకేసారి క్లాష్ అవడం బాక్సాఫీస్ కలెక్షన్లపై ప్రభావం చూపుతుంది. కానీ పండుగ సెలవుల వల్ల ఎవరికి లాభం చేకూరుతుందో చూడాలి. ప్రభాస్ చివరి చిత్రం రాధే శ్యామ్ బాక్సాఫీస్ డిజాస్టర్‌గా నిలిచింది. విమర్శకుల ప్రశంసలు పొందినప్పటికీ  కలెక్షన్లు సాధించడంలో ఘోరంగా విఫలమైంది. బాహుబలితో బిగ్ లీగ్‌లోకి ప్రవేశించిన ప్రభాస్ కు ఇప్పుడు పెద్ద హిట్ కావాలి. మరోవైపు, చిరంజీవి ఆచార్య కూడా ఘోరంగా బోల్తాకొట్టింది.

ఆ చిత్ర నిర్మాతలు ఇప్పటికీ ఆచార్య నుంచి కోలుకోలేదు. కొరటాల శివ దర్శకత్వం వహించిన ఈ చిత్రంలో రామ్ చరణ్ పొడిగించిన అతిధి పాత్రలో కనిపించాడు. ఓం రౌత్ దర్శకత్వం వహించిన ఆదిపురుష్ హిందూ ఇతిహాసం రామాయణం ఆధారంగా తెరకెక్కుతోంది. ఈ చిత్రంలో రాముడిగా ప్రభాస్, లంకేష్ పాత్రలో సైఫ్ అలీఖాన్ నటిస్తున్నారు. కృతి సనన్, సన్నీ సింగ్ కూడా నటించారు. ఆదిపురుష్ 2020 జాతీయ అవార్డు గెలుచుకున్న బ్లాక్ బస్టర్ తాన్హాజీ: ది అన్‌సంగ్ వారియర్ తర్వాత రౌత్ తదుపరి ప్రాజెక్ట్. మెగా 154 గురించి చెప్పాలంటే, ఈ చిత్రానికి బాబీ దర్శకత్వం వహిస్తున్నారు. దేవి శ్రీ ప్రసాద్ సంగీతం అందించారు. చిరంజీవి నటిస్తున్న ఈ చిత్రంలో శృతి హాసన్ ప్రధాన పాత్రలో కనిపించనుంది.