Viral : విశాఖపట్నం నగరంలోని లలిత్‌నగర్ ప్రాంతంలో గుట్టుచప్పుడు కాకుండా కొనసాగుతున్న మహిళల పేకాట ముఠా చివరకు పోలీసులకు అడ్డంగా దొరికింది. కాలనీ పరిసర గృహాల్లో పేకాట ఆడుతూ స్థానికులను ఇబ్బందులకు గురిచేస్తున్న ఈ ముఠా పై, ఓ వ్యక్తి చేసిన ఫిర్యాదుతో చాకచక్యంగా స్పందించిన పోలీసులు, ఆకస్మిక దాడి నిర్వహించి ఆరుగురు మహిళలను అదుపులోకి తీసుకున్నారు. వారివద్ద నుంచి రూ. 22,000 నగదును స్వాధీనం చేసుకున్నారు.
YSRCP : జగన్ అధికారంలోకి వస్తే మీ గతి ఏమవుతుందో ఆలోచించుకోవాలి: పేర్ని నాని
ఈ ముఠా గుట్టు రట్టయ్యే కారణం ఆశ్చర్యంగా ఉంది. స్థానికంగా నివసిస్తున్న ఓ వ్యక్తి తన భార్య ప్రతిరోజూ పేకాటకు వెళ్తుందని, ఇంటి పరిస్థితి దారుణంగా మారిందని స్థానిక పోలీస్ స్టేషన్‌లో ఫిర్యాదు చేశాడు. అయితే అక్కడి పోలీసులు సరైన స్పందన ఇవ్వకపోవడంతో, బాధితుడు నేరుగా ఒక పోలీస్ ఉన్నతాధికారిని కలిసి తన ఆవేదనను వ్యక్తం చేశాడు. ఆ అధికారి విషయాన్ని సీరియస్‌గా తీసుకుని తక్షణమే టాస్క్ ఫోర్స్ బృందానికి ఆదేశాలు జారీ చేశారు. ఫోర్త్ టౌన్ పోలీసులతో కలిసి వారు చేపట్టిన ఆకస్మిక తనిఖీలో ఆరుగురు మహిళలు పట్టుబడ్డారు.
పోలీసులు కేసు నమోదు చేసి, వారి నుండి వచ్చిన సమాచారంతో మరింత లోతుగా దర్యాప్తు ప్రారంభించారు. ఈ మహిళలు తరచూ గృహాల్లో సమావేశమై పేకాట ఆడుతున్నట్లు తెలుస్తోంది. వీరికి మరోమారు సంబంధించిన వ్యక్తులెవరైనా ఉన్నారా? ముఠా మరింత విస్తరించి ఉన్నదా? అనే కోణాల్లో దర్యాప్తు కొనసాగిస్తున్నామని పోలీసులు తెలిపారు. పేకాట వంటి వ్యసనాలు కుటుంబాలను నాశనం చేయడమే కాక, సమాజంలో అసహనం, హింసకు దారి తీయగలవని అధికారులు హెచ్చరిస్తున్నారు. ఇలాంటి చట్టవిరుద్ధ కార్యకలాపాలను ఏ ప్రాంతంలోనైనా గమనించినా వెంటనే సమాచారం అందించాలని ప్రజలకు విజ్ఞప్తి చేస్తున్నారు.
Tariffs : ఎలాంటి ఒత్తిడికీ లోనయ్యే ప్రసక్తే లేదు..ట్రంప్‌ టారిఫ్‌ల పై స్పందించిన ప్రధాని మోడీ