Vidadala Rajini : వైఎస్సార్ కాంగ్రెస్ పార్టీ (YSRCP) సీనియర్ నేత, ఆంధ్రప్రదేశ్ మాజీ మంత్రి విడదల రజిని, ఆమె వ్యక్తిగత సహాయులు నాగిశెట్టి జయ ఫణింద్ర, రామకృష్ణ లు ఎస్సీ/ఎస్టీ అట్రాసిటీస్ చట్టం కింద తమపై నమోదైన కేసులో ముందస్తు బెయిల్ మంజూరు చేయాలంటూ ఆంధ్రప్రదేశ్ హైకోర్టును ఆశ్రయించారు.
ఈ కేసు తెలుగు దేశం పార్టీ (TDP) చిలకలూరిపేట నియోజకవర్గం సోషల్ మీడియా ఇన్‌చార్జ్ పిళ్లి కోటి ఫిర్యాదు మేరకు నమోదైంది. తనపై చిలకలూరిపేట టౌన్ సర్కిల్ ఇన్‌స్పెక్టర్ (CI) సూర్యనారాయణ శారీరక హింసకు గురిచేసి, ఆ దృశ్యాలను విడదల రజినికి వీడియో కాల్ ద్వారా చూపించారని కోటి తన ఫిర్యాదులో ఆరోపించారు.
Musk Vs Altman: ఓపెన్ ఏఐను కొనేస్తానన్న మస్క్.. ఎక్స్‌ను కొనేస్తానన్న శామ్‌ ఆల్ట్‌మన్‌
ఫిర్యాదుపై విడదల రజినితో పాటు ఆమె సహాయుల స్పందన
తమపై నమోదైన కేసు పూర్తిగా అస్థిరమైన ఆరోపణల ఆధారంగా నడుస్తోందని, కోటి చేసిన ఫిర్యాదులో నిజం లేదని విడదల రజిని, ఆమె వ్యక్తిగత సహాయులు తమ పిటిషన్‌లో స్పష్టం చేశారు. కోటి తన ఫిర్యాదులో వాట్సాప్ కాల్ ద్వారా తాము దూషించారని ఆరోపించాడని, కానీ వాట్సాప్ కాల్ ఆధారంగా కేసు నమోదు చేయడం చట్టపరంగా అంగీకారయోగ్యం కాదని హైకోర్టుకు తెలియజేశారు. కోటి తనపై వచ్చిన ఆరోపణలను తప్పించుకునేందుకు, మిమ్మల్ని నిర్దోషిగా చూపించేందుకు అసత్య ఆరోపణలు చేస్తున్నాడని విడదల రజిని వాదించారు. కోటి గతంలోనూ వివాదాస్పదమైన వ్యక్తిగత ఆరోపణలు, అభ్యంతరకరమైన పోస్టులు పెట్టినందుకు కేసులు ఎదుర్కొంటున్నాడని, ఇప్పటికే అతనిపై నాలుగు కేసులు నమోదయ్యాయని ఆమె కోర్టుకు వివరించారు. ఈ ఫిర్యాదు పూర్తిగా రాజకీయ ప్రేరేపితమని, తనపై ఒత్తిడి తీసుకువచ్చేందుకు, రాజీపడేలా చేయడానికి కుట్ర పన్నారని విడదల రజిని పేర్కొన్నారు.
ఈ కేసు నమోదైన నేపథ్యంలో తమను ఎప్పుడైనా అరెస్ట్ చేసే అవకాశం ఉందని విడదల రజిని పిటిషన్‌లో తెలిపారు. తమ పట్ల అన్యాయంగా వ్యవహరించే ప్రమాదం ఉన్నందున, తనకు ముందస్తు బెయిల్ మంజూరు చేయాలని ఆంధ్రప్రదేశ్ హైకోర్టును కోరారు. ఈ కేసులో విచారణకు సంబంధించి హైకోర్టు తదుపరి విచారణను త్వరలోనే నిర్వహించనుంది.
Dhar Robbery Gang : తెలుగు రాష్ట్రాల్లో ‘ధార్‌’ దొంగలు.. ఈ ముఠా చిట్టా ఇదీ