AP Skill Development Truth: స్కిల్స్ డెవలప్‌మెంట్ ట్రూత్ పేరుతో టీడీపీ వెబ్‌సైట్‌ ప్రారంభం

Logo (9)

AP Skill Development Truth: తెలుగుదేశం పార్టీ అధికార పార్టీ వైసీపీకి షాకివ్వనుంది. స్కిల్ డెవలప్‌మెంట్ స్కీమ్ లో నిజానిజాలను పొందు పర్చేందుకు సిద్ధమైంది. అందులో భాగంగా ఓ వెబ్ సైట్ ని కూడా తీసుకురానుంది. స్కిల్ డెవలప్‌మెంట్ ప్రాజెక్ట్‌ల గురించి ఖచ్చితమైన సమాచారం అందించే లక్ష్యంతో apskilldevelopmenttruth.com అనే కొత్త వెబ్‌సైట్‌ను ఆవిష్కరించింది. ఈ వెబ్‌సైట్‌ను టీడీపీ రాష్ట్ర అధ్యక్షుడు కింజెరాపు అచ్చెన్‌నాయుడు శుక్రవారం అధికారికంగా ప్రారంభించారు.

చంద్రబాబు నాయుడు ముఖ్యమంత్రిగా ఉన్న సమయంలో యువతకు సుసంపన్నమైన భవిష్యత్తును అందించేందుకు చేపట్టిన చర్యలకు సంబంధించిన సమగ్ర వివరాలను వెబ్‌సైట్‌లో పొందుపరిచామని అచ్చెన్‌నాయుడు చెప్పారు. యువత అవకాశాలను పెంచే విధంగా చంద్రబాబు ఈ ప్రాజెక్టును ఏవిధంగా నిశితంగా రూపొందించారో ప్రదర్శించడం దీని లక్ష్యం అన్నారాయన. అంతేకాకుండా ప్రాజెక్ట్‌కు సంబంధించి రాష్ట్ర ప్రభుత్వం తప్పుడు సమాచారం ప్రచారాన్ని ఎదుర్కోవడానికి వెబ్‌సైట్ సమగ్ర సమాచారాన్ని అందిస్తుందని తెలిపారు.

స్కిల్ డెవలప్‌మెంట్ లో చంద్రబాబు అరెస్ట్ అయిన 14 రోజుల రిమాండ్ లో ఉన్నారు. ప్రస్తుతం ఆయన రాజమండ్రి సెంట్రల్ జైలు లో ఉన్నారు. చంద్రబాబు అరెస్టుతో టీడీపీ శ్రేణులు ఆగ్రహం వ్యక్తం చేస్తున్నారు. తప్పుబ కేసులు పెట్టి అన్యాయంగా అరెస్టు చేశారని అధికార పార్టీ వైసీపీపై దుమ్మెత్తిపోస్తున్నారు. ఇదిలా ఉండగా వచ్చే ఎన్నికల్లో టీడీపీ జనసేన కలిసి వెళ్లనున్నాయి. నిన్న గురువారంపవాన్ కళ్యాణ్ ఈ విషయాన్ని ప్రకటించారు.

Also Read: Underwear : ఇండియన్స్ ఇన్నర్‌వేర్‌లను కొనడం లేదట..వేసుకోవడం మానేశారా ఏంటి..?