Jagan Cabinet: రోజాకు హోంమంత్రి ఖాయ‌మా..?

Mla Roja Jagan Cabinet

ఆంధ్ర‌ప్ర‌దేశ్‌లో మంత్రివ‌ర్గ విస్త‌ర‌ణ జ‌రుగ‌నున్న సంగ‌తి తెలిసిందే. ఈ క్ర‌మంలో ప్ర‌స్తుతం ఉన్న మంత్రుల్లో కొంద‌రికి మాత్ర‌మే కొత్త మంత్రి వ‌ర్గంలో చోటు ద‌క్కుతుంద‌ని, దీంతో మంత్రి పదవులు కోల్పోయిన వారిని పార్టీ పదవుల్లో నియమిస్తానని ఇటీవ‌ల కేబినెట్ మీటింగ్‌ ముఖ్య‌మంత్రి జ‌గ‌న్ మోహ‌న్ రెడ్డి హింట్ ఇచ్చిన సంగ‌తి తెలిసిందే. దీంతో వైసీపీ ఎమ్మెల్యేలు ఎవరికి వారే తమకు మంత్రిపదవి వచ్చే అవకాశాలు ఉన్నాయంటూ జోరుగా ప్ర‌చారం చేసుకుంటున్నారు.

ఇక జ‌గ‌న్ న‌యా కేబినెట్‌లో ఎవరెవరికి మంత్రి పదవులు దక్కనున్నాయో ఈపాటికే లిస్టు ప్రిపేర్ అయిపోయిందనీ, ముఖ్య మంత్రి వద్దనే ఆ లిస్టు వుందనీ, దాదాపుగా ఆయా ఎమ్మెల్యేలకు కూడా ఈ విషయం తెలుసనీ అంటున్నారు. ఈ క్ర‌మంలో ప‌లు యూట్యూబ్ చాన‌ళ్ళు, వైబ్‌సైట్లు, సోష‌ల్ మీడియాల‌లో అయితే ప‌లానా ఎమ్మెల్యేకి మంత్రివ‌ర్గంలో చోటు ఖాయ‌మ‌ని, వైసీపీ వ‌ర్గీయులు లీక్ చేసిన కొత్త‌ మంత్రివ‌ర్గ‌ జాబితా ఇదే అంటూ రోజుకో లిస్ట్ ద‌ర్శ‌న‌మిస్తున్నాయి.

దీంతో లీక్ అయిన కొత్త మంత్రివ‌ర్గ లిస్ట్ పై సోష‌ల్ మీడియాలో చోరుగా చ‌ర్చ‌లు జ‌రుగుతున్నాయి. ఇక లీక్ అయిన లిస్ట్‌లో ఎమ్మెల్యే రోజా పేరు ఉండ‌టం ఇప్పుడు రాజ‌కీయ‌వ‌ర్గాల్లో హాట్ టాపిక్‌గా మారింది. ఎందుకంటే జ‌గ‌న్ కేబినెట్‌లో, రోజాకు చోటు ద‌క్కింద‌ని, ముఖ్యమైన విష‌యం ఏంటంటే జ‌గ‌న్ ఆమెకు హోంశాఖ కేటాయించారని జోరుగా ప్ర‌చారం జ‌రుగుతోంది. ఒక‌వేళ హోంశాఖ ఇవ్వ‌కుంటే కేబినెట్‌లో రోజా బెర్త్ మాత్రం గ్యారెంటీ అని ప్ర‌చారం జ‌రుగుతోంది. ఎందుకంటే స్వయంగా సీఎం జగనే ఆమెకు హామీ ఇచ్చారని రోజా వ‌ర్గీయులు ప్రచారం చేస్తున్నారు.

ఇక‌ రోజా ఇటీవ‌ల గుళ్లు గోపురాల‌కు ఎక్కువ‌గా తిరుగుతున్న ఫొటోలు సోష‌ల్ మీడియాలో క‌నిపిస్తున్నాయి. దీంతో ఆమెకు పదవి ఖరారు అయినందుకే రోజా ఇలా మొక్కులు తీర్చుకుంటూ గుళ్లు గోపురాలకు తిరుగుతున్నారని కొందరు అభిప్రాయ‌ప‌డుతున్నారు. వాస్త‌వానికి రోజాకు తొలిసారే మంత్ర వ‌ర్గంలో చోటు ద‌క్కాల్సి ఉంది. అప్ప‌ట్లో జ‌గ‌న్ కేబినెట్‌లో రోజాకు హోంశాఖ ఇస్తున్నార‌ని పెద్ద ఎత్తున ప్ర‌చారం జ‌రిగింది. అయితే ఏమైందో ఏమో గానీ రోజాకు మంత్రి వ‌ర్గంలో చోటు ద‌క్క‌లేదు. దీంతో రోజాను బుజ్జ‌గించేందుకు ఓ నామినేటెడ్ ప‌ద‌వి ఇచ్చినా, ఆ త‌ర్వాత అది కూడా పీకేశారు. అయితే ఇప్పుడు మ‌రోసారి మంత్రి కేట‌గిరీలో రోజా పేరు వినిపిస్తుంది.ఇది నిజ‌మో కాదో తెలియ‌దు కానీ రోజా హోంమంత్రి అయితే టీడీపీ బ్యాచ్‌కు చుక్క‌లు చూపించ‌డం ఖాయ‌మ‌ని రాజ‌కీవర్గాల్లో చ‌ర్చించుకుంటున్నారు.