High Court Jobs : కోర్టుల్లో జాబ్స్ కోసం ట్రై చేస్తున్న వారికి గుడ్ న్యూస్. ఆంధ్రప్రదేశ్‌లోని అమరావతిలో ఉన్న హైకోర్టులో(AP High Court) పలు పోస్టుల భర్తీకి నోటిఫికేషన్ రిలీజ్ అయింది. కాంట్రాక్టు ప్రాతిపదికన 12 లా క్లర్క్ పోస్టులను భర్తీచేయనున్నారు. ఆగస్టు 6వ తేదీన సాయంత్రం 5 గంటలలోగా ఆఫ్‌లైన్‌లో అభ్యర్థులు దరఖాస్తులను సమర్పించాల్సి ఉంటుంది. అభ్యర్థులు ఏపీ హైకోర్టు వెబ్‌సైట్ నుంచి అప్లికేషన్‌‌ను దరఖాస్తు డౌన్‌లోడ్ చేసుకోవాలి. దరఖాస్తును నింపి.. కవరుపై ‘Application for the Post of Law Clerks’ అని రాయాలి. దాన్ని ‘‘The Registrar (Recruitment), High Court of A.P. at Amaravathi, Nelapadu, Guntur District, Andhra Pradesh -522239’’ అడ్రస్‌కు పంపాలి.
We’re now on WhatsApp. Click to Join
- మూడేళ్లు లేదా ఐదేళ్ల లా కోర్సులో పాసైన వారు అప్లై చేయాలి.
- అభ్యర్థుల వయసు 30 సంవత్సరాలకు మించకూడదు.
- బార్ కౌన్సిల్‌లో అడ్వకేట్‌గా సభ్యత్వం ఉన్నవారు అప్లై చేయకూడదు.
- లా క్లర్క్ పోస్టులకు ఎంపికయ్యే వారు ఏడాది పాటు కాంట్రాక్టు ప్రాతిపదికన పని చేయాలి. అవసరమైతే హైకోర్టు ప్రధాన న్యాయమూర్తి అంగీకారంతో ఉద్యోగుల కాంట్రాక్టును నాలుగేళ్ల పాటు పొడిగించే అవకాశం ఉంటుంది.
- విద్యార్హత, వైవా వోస్, సర్టిఫికెట్ వెరిఫికేషన్ ఆధారంగా అభ్యర్థిని ఎంపిక చేస్తారు.
Also Read :Kamika Ekadashi : మనసులోని కోర్కెలు తీరాలా ? రేపు కామిక ఏకాదశి పూజలు చేయండి
- ఈ పోస్టుకు(High Court Jobs) ఎంపికయ్యే వారికి ప్రతినెలా రూ.35వేల వరకు శాలరీ ఇస్తారు. ఇతర ఎలాంటి అలవెన్సులు లభించవు.
- ఈ జాబ్‌కు ఎంపికయ్యే వారు ఉద్యోగ సమయంలో ఎలాంటి రెగ్యులర్ కోర్సులు చదవకూడదు. ఉద్యోగం చేస్తూ వేరే వృత్తిలో కొనసాగకూడదు.
- కాంట్రాక్ట్ గడువు కంటే ముందుగానే విధుల నుంచి వైదొలిగే వారిని కోర్టు ఉపేక్షించదు.
- కోర్టు సెలవులు అన్నీ ఉద్యోగికి కూడా లభిస్తాయి. నెలకు ఒక సాధారణ సెలవు లభిస్తుంది.
- ప్రతినెలా 1కి మించి సెలవులు తీసుకుంటే.. ఆ రోజులకు సరిపడా శాలరీ కట్ చేస్తారు.