AP Liquor Prices ఏపీలో మద్యం ధరల తగ్గింపు ప్రతిపాదన మరోసారి తెరపైకి వచ్చింది. రాష్ట్రంలో ప్రీమియం బ్రాండ్ల మధ్యం ధరల్ని తగ్గించాలని ఎక్సైజ్ శాఖ అదికారులు ప్రతిపాదించారట. ఈ అంశంపై త్వరలోనే కేబినెట్లో చర్చించి నిర్ణయం తీసుకునే అవకాశం ఉందంటున్నారు. రాష్ట్రంలోకి నాన్ డ్యూటీ పెయిడ్ లిక్కర్ విచ్చలవిడిగా వస్తుండటంతో ఆదాయం తగ్గుతోంది. అందుకే ధరలు తగ్గించాలని భావిస్తున్నారట. అయితే ధరల తగ్గింపుపై క్లారిటీ రావాల్సి ఉంది.
ఆంధ్రప్రదేశ్లో ప్రీమియం బ్రాండ్ల మద్యం ధరలు తగ్గే అవకాశాలు కనిపిస్తున్నాయి. రాష్ట్రంలో ప్రీమియం లిక్కర్ ధరలు ఇతర రాష్ట్రాలతో పోలిస్తే ఎక్కువగా ఉన్నాయనే అభిప్రాయం ఉందట. దీనికి తోడు కొంతకాలంగా రాష్ట్రంలో నాన్ డ్యూటీ పెయిడ్ లిక్కర్ హవా పెరిగిందట. ఉదాహరణకు తెలంగాణలో విదేశీ లిక్కర్ బాటిల్ ధర రూ.22వేలు ఉంటే.. ఏపీలో రూ.25 వేల వరకు అమ్ముతున్నారట.. అలా బ్రాండ్ను బట్టి ప్రీమియం లిక్కర్ ధర మారుతోంది. పొరుగు రాష్ట్రాల్లో ప్రీమియం లిక్కర్ ధరలు తక్కువగా ఉండటంతో.. ఏపీలో అమ్మకాలు తగ్గాయట. ప్రీమియం బ్రాండ్ల లిక్కర్ అమ్మకాలు పెరగాలంటే.. ధరలు తగ్గాలనే ప్రతిపాదనలు వచ్చాయట. ఎక్సైజ్ శాఖ అధికారుల ప్రతిపాదనలు చేసినట్లు సమాచారం.
ప్రీమియం లిక్కర్ ధరల తగ్గింపు నిర్ణయాన్ని రాష్ట్ర కేబినెట్లో చర్చించి ఆమోదిస్తే ధరలు తగ్గుతాయంటున్నారు. ఏపీ ప్రభుత్వం గ్రీన్సిగ్నల్ ఇస్తే 20 ప్రీమియం బ్రాండ్ల మధ్యం ధరలు తగ్గునున్నాయని చెబుతున్నారు. అప్పుడు రాష్ట్రంలో ఆదాయం పెరుగుతుంది అంటున్నారు. ఒకవేళ ఏపీ ప్రభుత్వ ప్రీమియం లిక్కర్ ధరలు తగ్గిస్తే ఒక్కో బాటిల్పై రూ.2వేల నుంచి రూ.3వేల వరకు తగ్గుతుందని అంచనా వేస్తున్నారు. అయితే ఈ ప్రీమియం లిక్కర్ ధరల తగ్గింపుపై పూర్తిస్థాయిలో క్లారిటీ రావాల్సి ఉంది.
ఏపీలో కూటమి ప్రభుత్వం అధికారంలోకి వచ్చిన తర్వాత లిక్కర్ పాలసీని పూర్తిగా మార్చేసింది. గత ప్రభుత్వ హయాంలో మద్యం షాపుల్ని ప్రభుత్వం నడిపించగా.. కూటమి ప్రభుత్వం మళ్లీ టెండర్ల విధానాన్ని తీసుకొచ్చింది. దాదాపు 40 బ్రాండ్ల మద్యం ధరల్ని కూడా తగ్గించారు.. అయితే ప్రీమియం బ్రాండ్ల ధరలు మాత్రం తగ్గించకపోవడంతో నాన్ డ్యూటీ పెయిడ్ లిక్కర్ విచ్చలవిడిగా వస్తోందని చెబుతున్నారు. ఈ ప్రభావంతో రాష్ట్ర ప్రభుత్వం ఆదాయం కోల్పోతోంది. అందుకే ప్రీమియం బ్రాండ్ల ధరల్ని తగ్గించాలనే ప్రతిపాదనలు వచ్చాయి. అయితే వైన్ ధరలు కూడా తగ్గించే అవకాశాలు ఉన్నాయంటున్నారు.
ఏదైనా రాష్ట్రంలో మద్యం విక్రయించాలంటే ప్రభుత్వానికి ఎక్సైజ్ డ్యూటీతో పాటూ పన్నులు చెల్లించాలి. ఆ పన్నులు చెల్లించకుండా అక్రమంగా మద్యం విక్రయిస్తే దానిని నాన్ డ్యూటీ పెయిడ్ లిక్కర్ అంటారు.. ఇది చట్టరీత్యా నేరం. కొన్ని రాష్ట్రాల్లో మధ్యం ధరలు తక్కువగా ఉంటాయి.. అందుకే అక్కడ తక్కువ ధరకు మద్యాన్ని కొనుగోలు చేసి తీసుకొచ్చి ఎక్కువ ధరకు విక్రయిస్తుంటారు.