Sunita Williams : సునితా విలియమ్స్ సొంతూరు, కెరీర్, వివాహం.. విశేషాలివీ

సునితా విలియమ్స్ స్వగ్రామం, కుటుంబం గురించి..

• సునితా విలియమ్స్(Sunita Williams) తండ్రి దీపక్ పాండ్యా గుజరాత్‌లోని మెహసానా జిల్లా  ఝులాసన్ గ్రామ వాస్తవ్యులు.
• ఆయన గుజరాత్ విశ్వవిద్యాలయం నుంచి 1957లో వైద్య విద్యలోని ఉన్నతమైన ఎండీ పట్టా పొందారు. అనంతరం అమెరికాకు వలస వెళ్ళారు.
• దీపక్ పాండ్యా 1957లో అమెరికాకు చేరుకున్నాక.. స్లొవేనియన్-అమెరికన్ ఉర్సులిన్ బోనీ జలోకర్‌తో పరిచయం ఏర్పడింది. ఇద్దరూ కొంతకాలం తర్వాత పెళ్లి చేసుకున్నారు. వారికి సునితా విలియమ్స్ జన్మించారు.
• 1965 సెప్టెంబరు 19న  ఒహియో రాష్ట్రంలోని యూక్లిడ్ పట్టణంలో సునిత జన్మించారు. ఆమె పెరిగింది మాత్రం మసాచూసెట్స్‌లోని నీధమ్ పట్టణంలో.
• అమెరికాలోని ఒహియోలో ఉన్న క్లీవ్ ల్యాండ్ లో మెడిసిన్‌లో ఇంటర్న్ షిప్, రెసిడెన్సీని దీపక పాండ్యా పూర్తి చేశారు.
• 1964లో కేస్ వెస్ట్రన్ రిజర్వ్ విశ్వవిద్యాలయంలో అనాటమీ విభాగంలో పోస్ట్ డాక్టోరల్ ఫెలోగా దీపక్ పాండ్యా చేరారు.
• తదుపరిగా అమెరికావ్యాప్తంగా వివిధ ఆస్పత్రులు, రీసెర్చ్ సెంటర్లలో దీపక్ పనిచేశారు.
• 1995లో ఇంజినీరింగ్‌లో పీజీ చేయడంతో సునితా విలియమ్స్ ఉన్నత విద్యాభ్యాసం ముగిసింది.
• 1987  నుంచి 1997 వరకు అమెరికా ఆర్మీలోని వివిధ విభాగాల్లో సునితా విలియమ్స్ పనిచేశారు.
• వ్యోమగాముల శిక్షణ కార్యక్రమానికి 1998 జూన్‌లో సునితా విలియమ్స్‌ను నాసా ఎంపిక చేసింది. శిక్షణ పొందే క్రమంలో దాదాపు 30 వేర్వేరు విమానాల్లో 3వేలకుపైగా గంటల పాటు ఆమె అంతరిక్ష వాతావరణంలో గడిపారు.
• సునితా విలియమ్స్ వ్యోమగామిగా తొలిసారి 1998 ఆగస్టులో ట్రైనింగ్ పొందడం మొదలుపెట్టారు. జాన్సన్ స్పేస్ సెంటర్‌లో ఆమె శిక్షణ పొందారు.
• 2017 సంవత్సరంలోనే అమెరికా నేవీ నుంచి సునితా విలియమ్స్ రిటైర్ అయ్యారు.
• ఇక సునితా విలియమ్స్ టెక్సాస్‌లో ఫెడరల్ మార్షల్‌గా పనిచేస్తున్న మైఖేల్ జె.విలియమ్స్‌ను పెళ్లి చేసుకున్నారు. వీరిద్దరికీ హెలికాప్టర్లు నడపడం వచ్చు.
• సునితా విలియమ్స్,  మైఖేల్ జె.విలియమ్స్‌ దంపతులకు పెళ్లై 20 ఏళ్లు కావస్తున్నా పిల్లలు లేరు.
• 2024 ఆగస్టులో ది వాల్ స్ట్రీట్ జర్నల్‌కు మైఖేల్ విలియమ్స్ ప్రత్యేక ఇంటర్వ్యూ ఇచ్చారు. సునితకు  సంతోషకరమైన ప్రదేశం ఏది అని మైఖేల్‌ను ప్రశ్నించగా..  ‘‘సునీతకు అంతరిక్షమే సంతోషకరమైన ప్రదేశం’’ అని ఆయన బదులిచ్చారు.