అమెరికా అధ్యక్షుడు డొనాల్డ్ ట్రంప్ (Donald Trump) ప్రాణాలకు తీవ్రమైన ముప్పు ఉందని నిఘా నివేదికలు వెల్లడించాయి. ఇరాన్ మతాధికారుల ఆదేశాల మేరకు ట్రంప్పై ప్రాణహాని కుట్ర పక్కా చేసినట్టు సమాచారం. ఈ కుట్రను సాధించేందుకు ‘క్రౌడ్ ఫండింగ్’ ద్వారా భారీగా డబ్బును సేకరిస్తున్నట్టు తెలుస్తోంది. ఇప్పటి వరకు సుమారు 40 మిలియన్ డాలర్లు అంటే దాదాపు రూ. 350 కోట్ల రూపాయల నిధులు సేకరించినట్టు సమాచారం.
ఈ చర్యలకు ప్రధాన కారణం ఇరాన్-ఇజ్రాయెల్ మధ్య యుద్ధంపై ట్రంప్ తీసుకున్న వైఖరి అని భావిస్తున్నారు. తన పరిపాలన కాలంలో ఇజ్రాయెల్కు మద్దతుగా చర్యలు తీసుకున్న ట్రంప్నే ఈ ఉద్రిక్తతలకు కారణమని ఇరాన్ మతాధికారులు భావిస్తున్నారు. వారి ఆదేశాలతో “బ్లడ్ కవెనెంట్” అనే సమూహం ఈ హత్య ప్రయత్నానికి నిధులు సేకరిస్తోందని నిఘా వర్గాలు చెబుతున్నాయి. ఈ ఫండ్కు పెద్ద సంఖ్యలో మతపెద్దుల మద్దతు కూడా ఉన్నట్టు సమాచారం.
Sleeping Amenia : స్లీపింగ్ అమ్నియాతో బాధపడుతున్నారా? దీని లక్షణాలు మీలో ఉన్నాయా? చెక్ చేసుకోండి
ఈ కుట్రలో అజర్బైజాన్ దేశం నుండి కూడా మద్దతు ఉన్నట్టు గుర్తించారు. పశ్చిమ అజర్బైజాన్ రాష్ట్రానికి చెందిన ఓ మతాధికారి ట్రంప్ను హత్య చేసినవారికి 100 బిలియన్ టోమన్లు (దాదాపు 1.25 మిలియన్ డాలర్లు) బహుమతిగా ప్రకటించాడు. ఈ మొత్తం ద్వారా ప్రోత్సాహం ఇవ్వడంతో, ఈ కుట్ర మరింత పెనుభూతి పొందినట్టు నిఘా వర్గాలు భావిస్తున్నాయి. అయితే ఈ డబ్బును ఎవరు భద్రపరిచారో, లేదా ఈ హత్య చేయాలనుకున్న వారు ఎవరన్న విషయాలు ఇంకా స్పష్టంగా లేవు.
ఈ సమాచారం అమెరికా నిఘా సంస్థలకు అందడంతో ట్రంప్ భద్రత మరింత కఠినంగా చేయబడింది. విదేశీ పర్యటనలు చేసినపుడు లేదా అమెరికాలోని ఆయన నివాస ప్రాంతాల్లో అత్యంత గట్టి భద్రత ఏర్పాటు చేయబడింది. ట్రంప్ గడిపే ప్రతి ప్రదేశాన్ని ముందుగానే గుర్తించి నిఘా ఏర్పాటు చేస్తూ, అత్యంత ఖచ్చితమైన భద్రతా చర్యలు తీసుకుంటున్నారు. అంతర్జాతీయ స్థాయిలో ఈ కుట్ర తీవ్ర చర్చనీయాంశంగా మారినట్టు తెలుస్తోంది.