అమెరికాలోని అలబామాలో ఓ ప్రమాదం జరిగింది. ఈ ప్రమాదంలో ఎయిర్ పోర్ట్ ఉద్యోగి మృతి(US Airport Worker Die) చెందాడు. డిసెంబరు 31న అలబామాలోని మోంట్గోమెరీ ప్రాంతీయ విమానాశ్రయంలో ఒక విమానాశ్రయ కార్మికుడు విమానం ఇంజిన్లో చిక్కుకుని మరణించాడు. ఈ విమానం సబ్సిడీ అమెరికన్ ఎయిర్లైన్స్ విమానమని వార్తా సంస్థలు పేర్కొన్నాయి. మోంట్గోమేరీ ప్రాంతీయ విమానాశ్రయంలో శనివారం మధ్యాహ్నం 3 గంటలకు ఈ ఘటన జరిగింది. ఉద్యోగి సామాను హ్యాండ్లర్గా ఉన్నారు. శనివారం మధ్యాహ్నం విమానం డల్లాస్కు వెళ్లాల్సి ఉంది.
అయితే విమానం దాని పార్కింగ్ బ్రేక్ సెట్ లో ఉన్నప్పుడు ఓ విమాన కార్మికుడు ఎంబ్రేయర్ 170 ఇంజిన్లోకి ప్రమాదవశాత్తు లొక్కొబడ్డాడు. మోంట్గోమెరీ రీజినల్ ఎయిర్పోర్ట్ ట్వీట్ చేస్తూ.. ఏఏ/పీడ్మాంట్ ఎయిర్లైన్స్కు చెందిన ఒక సభ్యుడు విషాదకరమైన ఘటనలో మృత్యువాత పడడం విన్నాం. మరణానికి చాలా బాధపడ్డాం అని విమానాశ్రయం ఎగ్జిక్యూటివ్ డైరెక్టర్, వేడ్ డేవిస్ ఒక ప్రకటనలో తెలిపారు. ఈ క్లిష్ట సమయంలో బాధిత కుటుంబానికి సాయం చేయమని దేవుడిని ప్రార్థిస్తున్నాం అని ఆయన అన్నారు.
రాయిటర్స్ నివేదిక ప్రకారం.. US ఏజెన్సీలు ఫెడరల్ ఏవియేషన్ అడ్మినిస్ట్రేషన్, నేషనల్ ట్రాన్స్పోర్టేషన్ సేఫ్టీ బోర్డ్ ఈ విషయాన్ని దర్యాప్తు చేస్తాయి. అమెరికన్ ఎయిర్లైన్స్ గ్రూప్కు చెందిన పూర్తి అనుబంధ సంస్థ అయిన ఎన్వోయ్ ఎయిర్ ఈ విమానాన్ని నడుపుతుందని రాయిటర్స్ నివేదిక తెలిపింది. మరణించిన వ్యక్తి మరొక US ప్రాంతీయ అనుబంధ సంస్థ అయిన పీడ్మాంట్ ఎయిర్లైన్స్లో గ్రౌండ్ సిబ్బంది అని కూడా నివేదిక పేర్కొంది. కానీ వివరించలేదు.
ఈ ఘటనతో కొన్ని గంటలపాటు ఎయిర్పోర్టును మూసివేసి, ఆ తర్వాత తిరిగి తెరిచారు. అంతకుముందు 2022లో 26 ఏళ్ల బ్యాగేజీ హ్యాండ్లర్ జర్మనీ థాంప్సన్ ఫ్రాంటియర్ ఎయిర్లైన్స్ విమానం నుండి లగేజీని అన్లోడ్ చేస్తున్నప్పుడు న్యూ ఓర్లీన్స్లో మరణించాడు. థాంప్సన్ జుట్టు బెల్ట్ లోడర్ మెషీన్లో చిక్కుకుని అతను మృతి చెందాడు.