Nepal: నేపాల్ అధ్యక్షుడు రామచంద్ర పౌడెల్ ఆదివారం 501 మంది ఖైదీలకు క్షమాభిక్ష పెట్టారు. క్షమాభిక్ష పొందిన ఖైదీల్లో జీవిత ఖైదు అనుభవిస్తున్న తరుహత్ నాయకుడు, నాగ్రిక్ ఇమ్ముంటి పార్టీ అధినేత రేషమ్ చౌదరి కూడా ఉన్నారు. మే 29న గణతంత్ర దినోత్సవం సందర్భంగా ఖైదీలను ప్రభుత్వం విడుదల చేయనుంది.
ఆదివారం ఉదయం జరిగిన నేపాల్ మంత్రుల మండలి సమావేశంలో 19 మంది రాజకీయ ఖైదీలతో సహా 501 మంది ఖైదీలను రాష్ట్రపతి క్షమాభిక్ష కోసం సిఫార్సు చేయాలని నిర్ణయించారు. 2015లో తరుహత్ ఆందోళన సందర్భంగా కైలాలీ జిల్లాలోని తిక్పూర్ అల్లర్లలో ఎనిమిది మంది పోలీసులతో సహా తొమ్మిది మందిని దారుణంగా చంపినందుకు రేషమ్ చౌదరికి యావజ్జీవ కారాగార శిక్ష పడింది. అయితే తరుహత్ నాయకుడికి రాష్ట్రపతి క్షమాభిక్ష పెట్టేందుకు నిరాకరించారు.
నేరగాళ్లకు ప్రభుత్వం క్షమాభిక్ష సిఫార్సు చేయడంపై మాజీ అధికారులు, ప్రజా సంఘాలు ఆందోళన వ్యక్తం చేశాయి. దీనివల్ల రాజకీయాలు నేరంగా మారడంతోపాటు శాంతిభద్రతలకు తీవ్ర ముప్పు వాటిల్లుతుందని మాజీ కార్యదర్శి శంకర్ ప్రసాద్ కొయిరాలా అన్నారు. గత డిసెంబర్లో ప్రభుత్వం చౌదరిని విడుదల చేసేందుకు ఆర్డినెన్స్ను కూడా తీసుకొచ్చినట్టు అక్కడ మీడియా తెలిపింది.
Read More: Mount Everest 70 Years : ఎవరెస్ట్ ఫస్ట్ హీరోల సక్సెస్ సీక్రెట్ ఇదే..