కేజీ దొండకాయలు ధర (Price) ఎంత ఉంటుంది..? మహా అయితే రూ.40 ఉంటుందేమో. ఓ చోట మాత్రం రూ.900 పలుకుతుంది. ఇది నిజం. లండన్ (London) లో కేజీ దొండకాయల ధర రూ.900 అట. విదేశాల్లో స్థిరపడిన ఓ భారతీయుడు సోషల్ మీడియాలో షేర్ చేయగా.. అది నెట్టింట వైరల్ గా మారింది. లండన్ లో స్థిరపడిన ఓ భారతీయుడు కిలో దొండకాయ రూ.900 అంటూ సోషల్ మీడియాలో పోస్ట్ చేయగా ఇప్పుడు అది వైరల్ గా మారింది. భారత్కు చెందిన ఓ యువకుడు ఉన్నత చదువుల కోసం లండన్ వెళ్లాడు. అక్కడే ఉద్యోగం చేసి స్థిరపడ్డాడు.
అక్కడ కూరగాయలు కొనేందుకు వెళ్లాడు. సూపర్ మార్కెట్ రోల్స్ కొనుగోలు ధర చూసి ఆశ్చర్యపోయాడు. దొండకాయల ధర చూసి షాక్ అయ్యాడు. వెంటనే సోషల్ మీడీయాలో ఫోటో షేర్ చేయడంతో వైరల్ గా మారింది. ఈ ఫోటోను ఓంకార్ ఖండేకర్ తన ట్విట్టర్ ఖాతాలో పోస్ట్ చేశారు. ఫోటోలో కాకరకాయ, బెండకాయ, టమాటా, పచ్చిమిర్చి, వంకాయ ఉన్నాయి. ఒక ట్రేలో రోల్స్ ఉన్నాయి. అక్కడ అట్టపై కిలో దొండకాయ 8.99 పౌండ్లు అని రాసి ఉంది. అంటే మన ఇండియన్ కరెన్సీలో రూ.900 కంటే ఎక్కువ. లండన్ ఫోటో బాగానే ఉంది. కానీ దొండకాయ కిలో రూ.900 అని ఆ ట్వీట్ లో క్యాప్షన్ ఇచ్చాడు.
Also Read: Minapa Vadiyalu : ఎండాకాలం స్పెషల్ మినప వడియాలు.. ఎలా తయారుచేసుకోవాలో తెలుసా?
London is nice and all but parwal for Rs 900/kg is🤯 pic.twitter.com/8KgcNzv8tN
— Omkar Khandekar (@KhandekarOmkar) April 19, 2023
ఈ పోస్ట్ చూసి అందరూ ఆశ్చర్యపోతున్నారు. అయితే ఓ నెటిజన్ మాత్రం భిన్నంగా స్పందించాడు. గతేడాది అక్టోబర్లో యూకే టొమాటో ధరలు గణనీయంగా పెరిగాయి. టమోటా ధరలు భారీగా పెరగడంతో కొన్ని రెస్టారెంట్లు మూతపడ్డాయి. ధరలు పెరగడంతో పిజ్జా అందించే రెస్టారెంట్లు ఇబ్బందులు పడుతున్నాయి. టొమాటో ధర 5 యూరోల నుండి 20 యూరోలకు పెరిగింది. అంటే దాదాపు 400 శాతం పెరుగుదల. విదేశాల నుంచి సరఫరా తగ్గడంతో టమాటా ధరలు పెరిగాయని అధికారులు చెబుతున్నారు.