ఉత్తర గాజాలోని అల్ నసర్ ఆసుపత్రి, అల్ రాంటిసి పీడియాట్రిక్ ఆసుపత్రి అధిపతి ముస్తఫా అల్-కహ్లౌట్ ఓ అంతర్జాతీయ మీడియా సంస్థతో మాట్లాడుతూ.. ‘‘ఇజ్రాయెల్ యుద్ధ ట్యాంకులు మా ఆస్పత్రులను చుట్టుముట్టాయి. మా ఆస్పత్రుల నుంచి వైద్యులు, రోగుల తరలింపులో రెడ్ క్రాస్ మాకు సహాయం అందించాలి. ఏదిఏమైనా రోగుల సంక్షేమమే మాకు ముఖ్యం’’ అని కోరారు. ‘‘మా ఆస్పత్రికి ఇప్పుడు విద్యుత్ లేదు.. రోగులకు చికిత్స చేసేందుకు ఆక్సిజన్ అందుబాటులో లేదు.. మందులు, నీరు కూడా అందుబాటులో లేవు’’ అని అల్-కహ్లౌట్ ఆవేదన వ్యక్తం చేశారు. తమ భవిష్యత్తు ఏమిటో తమకే తెలియడం లేదన్నారు. మరోవైపు శుక్రవారం రాత్రి కూడా అల్-షిఫా ఆసుపత్రి‌పై ఇజ్రాయెల్ ఆర్మీ బాంబుల వర్షం కురిపించింది. ఈవివరాలను ప్రపంచ ఆరోగ్య సంస్థ (WHO) ప్రతినిధి మార్గరెట్ హారిస్ ధ్రువీకరించారు. ఇజ్రాయెల్ మాత్రం.. అల్-షిఫా ఆసుపత్రి‌పై తాము బాంబులు వేయలేదని తెలిపింది. గాజా లోపలి నుంచి ఎవరో మిస్ ఫైర్ చేసిన రాకెట్ ఆస్పత్రిపై పడి ఉండొచ్చని(Gaza Hospitals) స్పష్టం చేసింది.
Gaza Hospitals : గాజాలోని నాలుగు ఆస్పత్రులను చుట్టుముట్టిన ఇజ్రాయెల్ ఆర్మీ
Gaza Hospitals