France : ప్రపంచవ్యాప్తంగా యుద్ధ విమానాల మార్కెట్లో తన కీలక స్థానాన్ని నిలుపుకోవడానికి ప్రయత్నిస్తున్న ఫ్రాన్స్‌కి ఎదురుదెబ్బలా చైనా వ్యవహరిస్తోందని ఆరోపణలు వెల్లువెత్తుతున్నాయి. అత్యాధునిక టెక్నాలజీతో రూపొందించిన రఫేల్ యుద్ధ విమానాలపై చైనా విదేశీ మిషన్ల ఆధ్వర్యంలో భారీ స్థాయిలో దుష్ప్రచారం జరుగుతోందని ఫ్రెంచ్ నిఘా సంస్థలు, రక్షణ వర్గాలు వెల్లడించాయి. వివిధ దేశాల్లోని చైనా దౌత్యకార్యాలయాల్లో పనిచేస్తున్న రక్షణ విభాగ అధికారులే ఈ ప్రచారానికి తలపెట్టిన ప్రధాన సూత్రధారులని, “రఫేల్ కొనొద్దు – చైనా తయారీ జెట్‌లు మేలు” అనే ఆలోచనను ఇతర దేశాలకు బలవంతంగా నూరిపోస్తున్నారని ఫ్రాన్స్ తెలిపింది. ఇది కేవలం వాణిజ్య పోటీ మాత్రమే కాకుండా, వ్యూహాత్మకంగా ఫ్రాన్స్‌ను, ఆమె ప్రాతినిధ్యం వహిస్తున్న టెక్నాలజీ సామర్థ్యాన్ని కోణంగా చేసుకున్న కుట్రగా అభివర్ణించింది.
అయితే, ఈ ప్రచారంలో మరొక ముఖ్యమైన అంశం ఏమిటంటే.. గత మే నెలలో భారత్-చైనా మధ్య లైనాఫ్ యాక్చువల్ కంట్రోల్ వద్ద జరిగిన ఘర్షణను ఉదహరించడం. ఆ సమయంలో భారత్ వాడిన రఫేల్ విమానాలను పాకిస్థాన్ కూల్చిందంటూ వచ్చిన అసత్య వాదనల్ని చైనా పూర్తిగా తమ ప్రాపగండాకు ఉపయోగించుకుంటోందని ఫ్రెంచ్ అధికారులు చెబుతున్నారు. దీనిపై డస్సాల్ట్ ఏవియేషన్ సీఈఓ ఎరిక్ ట్రాపియర్ స్పందిస్తూ – “ఇవి పూర్తిగా అవాస్తవాలు, తప్పుడు ప్రచారాలు. నిజాలకు అవి విరుద్ధం” అని స్పష్టం చేశారు.
Urea : రైతుకు కనీసం బస్తా ఎరువు ఇవ్వలేని స్థితిలో కాంగ్రెస్ ప్రభుత్వం – కేటీఆర్
ఈ దుష్ప్రచారం సామాజిక మాధ్యమాల్లోనూ విస్తృతంగా సాగుతోందని, దీని కోసం వేల కొద్దీ ఫేక్ ఖాతాలు, ఏఐ ఆధారిత కంటెంట్, మార్ఫింగ్ చేసిన రఫేల్ శిథిలాల చిత్రాలు చైనా సోషల్ మీడియా మాఫియా ద్వారా వైరల్ చేస్తున్నారని ఫ్రాన్స్ ఆరోపిస్తోంది. దీని వెనుక అసలు ఉద్దేశం రఫేల్ పై నమ్మకాన్ని దెబ్బతీయడం, ఫ్రాన్స్ ప్రతిష్ఠను దిగజార్చడం అని ఫ్రెంచ్ రక్షణ మంత్రిత్వ శాఖ అభిప్రాయపడింది.
అయితే, ఫ్రాన్స్ చేసిన ఈ ఆరోపణలను చైనా తీవ్రంగా ఖండించింది. తమపై వస్తున్న ఆరోపణలు పూర్తిగా నిరాధారమైనవని, పరువు నష్టం కలిగించేందుకు ప్రేరేపితమైన దుష్టప్రచారమని పేర్కొంది. ఆయుధ ఎగుమతుల విషయంలో తాము ఎప్పుడూ అంతర్జాతీయ నిబంధనలను, బాధ్యతాయుత వైఖరిని పాటిస్తామని చైనా జాతీయ రక్షణ మంత్రిత్వ శాఖ తెలిపింది.
ఈ వివాదంతో రఫేల్ విమానాల భవిష్యత్తు, ప్రపంచ వ్యాప్తంగా ఆయుధాలు కొనుగోలు చేసే దేశాల మద్దతు ఎటువైపు మొగ్గుతుందన్న దానిపై ఆసక్తికర చర్చలు మొదలయ్యాయి. ఫ్రాన్స్-చైనా మధ్య ప్రచార యుద్ధం వేగం పుంజుకుంటున్న ఈ తరుణంలో, ఇది కేవలం వ్యాపార పోటీ కాదు.. వ్యూహాత్మక సమరం అని భావిస్తున్నారు విశ్లేషకులు.
prawns : ఆరోగ్యానికి అద్భుత మెడిసిన్ రొయ్యలు..అందులో విటమిన్స్, ప్రోటీన్స్ ఇంకా ఏం ఉంటాయంటే?