Plane Door Horror : ఆ విమానం రన్వే నుంచి గాల్లోకి టేకాఫ్ అయిన కాసేపటికే దాని తలుపులలో ఒకటి తెరుచుకుంది. దీంతో విమానం లోపల ఉన్న ప్రయాణికులు టెన్షన్కు గురయ్యారు. ఈ చేదు అనుభవం అలస్కా ఎయిర్లైన్స్కు చెందిన ‘బోయింగ్ 737-9 మ్యాక్స్’ విమానంలోని ప్యాసింజర్లకు ఎదురైంది. ఈ విమానం అమెరికాలోని పోర్ట్ల్యాండ్ నుంచి అంటారియోకు బయలుదేరింది. దీనికి సంబంధించిన వీడియోలను విమానంలోని ప్రయాణికులు తీసి సోషల్ మీడియాలో పోస్ట్ చేశారు. దీంతో అవి వైరల్ అయ్యాయి. ఆ వీడియోలను బట్టి విమానంలో ఉన్న మిడ్ క్యాబిన్ ఎగ్జిట్ డోర్ తెరుచుకున్నట్లు స్పష్టంగా కనిపించింది. విమానం నుంచి ఎగ్జిట్ డోర్ పూర్తిగా విడిపోయింది. ఈ ఘటనతో విమానంలోని సిబ్బంది వెంటనే అలర్ట్ అయ్యారు. ఈ సమాచారాన్ని విమానం పైలట్లకు చేరవేశారు. దీంతో పైలట్లు విమానాన్ని వెనక్కి మళ్లించారు. 171 మంది ప్రయాణికులు, 6 మంది సిబ్బందితో కూడిన విమానం తిరిగి పోర్ట్ల్యాండ్ అంతర్జాతీయ విమానాశ్రయంలో సురక్షితంగా ల్యాండ్ అయింది. ఈ ఘటనకు సంబంధించిన వివరాలతో అలాస్కా ఎయిర్లైన్స్ ట్విట్టర్ (ఎక్స్) లో ఒక పోస్ట్ కూడా చేసింది. ఈ ఘటనను(Plane Door Horror)తాము ట్రాక్ చేస్తున్నామని అమెరికా నేషనల్ ట్రాన్స్పోర్టేషన్ సేఫ్టీ బోర్డ్ వెల్లడించింది.
🚨#BREAKING: Alaska Airlines Forced to Make an Emergency Landing After Large Aircraft Window Blows Out Mid-Air ⁰⁰📌#Portland | #Oregon
⁰A Forced emergency landing was made of Alaska Airlines Flight 1282 at Portland International Airport on Friday night. The flight, traveling… pic.twitter.com/nt0FwmPALE— R A W S A L E R T S (@rawsalerts) January 6, 2024
We’re now on WhatsApp. Click to Join.
ఈ విమానం నుంచి మిడ్ క్యాబిన్ ఎగ్జిట్ డోర్ పూర్తిగా విడిపోయిన ఘటనపై మరిన్ని విషయాలు కూడా వెలుగుచూశాయి. మిడ్ క్యాబిన్ ఎగ్జిట్ డోర్ విరిగిపోయిన టైంలో విమానం 16,325 అడుగుల ఎత్తులో ఉందని తెలిసింది. బోయింగ్ 737 MAX మోడల్కు చెందిన ఈ విమానాన్ని బోయింగ్ కంపెనీ 2023 అక్టోబరు 1న అలాస్కా ఎయిర్లైన్స్కు డెలివరీ చేసింది. 2023 నవంబర్ 11, నుంచి ఈ విమానం వాణిజ్య సేవలను మొదలుపెట్టింది.
హాలీవుడ్ నటుడు క్రిస్టియన్ ఓలివర్ గురువారం విమాన ప్రమాదంలో మృతి చెందారు. తన ఇద్దరు కూతుళ్లతో (10, 12 ఏళ్ల వయసున్న బాలికలు) కలిసి ఆయన ప్రయాణిస్తున్న విమానం కరీబియన్ సముద్రంలో కూలడంతో అందరూ మరణించారు. ఈ మేరకు సెయింట్ విన్సెంట్ అండ్ గ్రెనడీన్స్ పోలీసులు ఓ ప్రకటనలో తెలిపారు.