Wife Drama: కర్ర పట్టుకొచ్చి పోలీసుల నెత్తిపై అక్షింతలు చల్లిన మహిళ.. కారణం తెలిస్తే షాక్ అవ్వాల్సిందే!

Bihar

సాధారణంగా భర్త తప్పు చేస్తే కొందరు భార్యలు మొదట ప్రేమగా నచ్చచెబుతారు. ఆ తర్వాత మందలిస్తారు. ఎప్పటికీ వినకపోతే కొంతమంది భార్యలు భర్తల పై దాడులకు కూడా దిగుతూ ఉంటారు. ఒకవేళ అత్తమామలు ఉంటే తన భర్త గురించి కుటుంబ సభ్యులకు తెలియజేస్తారు. అలాంటి సమయంలో అత్తమాములు కూడా భర్తకు సపోర్ట్ గా మాట్లాడినప్పుడు కొంతమంది భార్యలు పుట్టింటికి వెళ్ళిపోవడం లేదంటే కొన్ని కొన్ని సార్లు విడాకులు తీసుకోవడం లాంటివి కూడా చేస్తూ ఉంటారు. కానీ కొంతమంది మహిళలు భర్త ఎన్ని తప్పులు చేసినా కూడా మంచి మనసుతో సర్దుకుని పోతూ ఉంటారు. కానీ ఇప్పుడు మనం తెలుసుకోబోయే ఒక మహిళ మాత్రం భర్త కోసం ఏకంగా పోలీస్ స్టేషన్లో రచ్చరచ్చ చేసింది.పూర్తి వివరాల్లోకి వెళితే..

బీహార్ లోని జాముయి పరిధి సికింద్రా పోలీస్ స్టేషన్‌లో ఈ ఘటన చోటు చేసుకుంది. తాజాగా సికింద్రా పరిధిలో అర్ధరాత్రి పోలీసులు నైట్ పెట్రోలింగ్ విధుల్లో ఉన్నారు. ఆ సమయంలో మద్యం మత్తులో ఉన్న పలువురిని అరెస్ట్ చేశారు. రాత్రంతా అందరినీ స్టేషన్‌లోనే ఉంచారు. గఆ తరువాత మరుసటి రోజు ఉదయం సంజూ దేవి అనే మహిళ చేతిలో కర్ర, పచ్చిమిర్చి, బియ్యంతో పోలీస్ స్టేషన్‌కు చేరుకుంది. ముందుగా పోలీసుల నెత్తిమీద బియ్యం, పచ్చిమిర్చిని చల్లింది. తర్వాత ఒక్కసారిగా తలను అటూ ఇటూ ఊపడం మొదలెట్టింది.

నేను దుర్గామాత ప్రతి రూపాన్ని రా నా ఆజ్ఞ లేకుండా ఏమీ జరగదు మీరంతా క్షేమంగా ఉండాలంటే, వెంటనే నా భర్తను విడుదల చేయండి అంటూ అరవడం, కేకలు వేయడం మొదలు పెట్టిందట. అయితే ఆ మహిళ వింత ప్రవర్తన చూసి పోలీసులు షాక్ అయ్యారట. అయితే డ్రంక్ అండ్ డ్రైవ్ టెస్ట్లో పోలీసులు అరెస్ట్ చేసిన వారిలో కార్తీక్ మాంఝీ అనే వ్యక్తి ఉన్నాడు. ఆ కార్తీక్ మాంజీ భార్యనే సంజూ దేవి. అయితే ఆ మహిళ ఇలా అయిన తన భర్తను విడిపించుకోవడం కోసం ఆ మహిళ ఇలా డ్రామా మొదలుపెట్టింది అని పోలీసులకు అర్థం అయింది. ఆ మహిళ పోలీస్ స్టేషన్లో గంటల తరబడి కేకలు అరుపులతో హల్చల్ చేసింది. అప్పుడు ఆ మహిళకు పోలీసులు ఎంత చెప్పినా వినకపోవడంతో వెంటనే పోలీసులు ఆ మహిళ ఉంటున్న ప్రాంతానికి చెందిన వారిని పిలిపించి ఆమెను బలవంతంగా పోలీస్ స్టేషన్ నుంచి ఇంటికి పంపించారట. అయితే ఆ మహిళకు తన భర్త పై ప్రేమ ఉంటే మాత్రం తాగడం తప్పు అని చెప్పాల్సింది పోయి ఇంత డ్రామా చేయాలా అంటూ స్థానికులు చర్చించుకుంటున్నారు.