Viral Video: చిల్ల‌ర లేదా.. స్కాన్ చేయండి.. గంగిరెద్దులోడి వీడియో వైర‌ల్‌

కాలం మారుతోండి. ట్రెండ్స్‌లో, టెక్నాల‌జీలోనూ మార్పులు వ‌స్తున్నాయి. ఎవ్వరూ జేబులో డ‌బ్బులు పెట్టుకుని తిర‌గ‌డంలేదు. అర‌టిపండు నుంచి యాపిల్ ఫోన్ వ‌ర‌కు.. ఏది కొనాల‌న్నా యాప్ ఉంటే చాలు. క్ష‌ణాల్లో షాపింగ్ పూర్త‌వుతోంది.

మారుతున్న టెక్నాల‌జీ లైఫ్‌స్ట‌యిల్‌లోనూ మార్పులు తీసుకువ‌స్తోంది. భిక్ష‌మెత్తుకునేవాడు కూడా యూపీఐ వాడుతున్న ఫోటోలు కూడా చూస్తున్నాం. అలాంటి ఓ వీడియోనే ఇప్పుడు సోష‌ల్ మీడియాలో వైర‌ల్ అవుతోంది.

https://telugu.hashtagu.in/wp-content/uploads/2021/11/WhatsApp-Video-2021-11-15-at-1.50.41-PM.mp4?_=1

ఎక్క‌డో తెలియ‌డంలేదు కానీ.. గంగిరెద్దును వేసుకుని ఇంటిముందుకొచ్చిన వ్య‌క్తి వీడియో ఇది. గ‌తంలో ఇలా గంగిరెద్దుల‌ను ఆడించేవాళ్లు వ‌స్తే పిల్ల‌లు ఎంజాయ్ చేసేవారు. గంగిరెద్దును చూసి ప‌దో ప‌రకో.. గుప్పెడు బియ్య‌మో ఇచ్చేవారు. కానీ ఈ వీడియోలో మాత్రం సీన్ మొత్తం మారిపోయింది. గంగిరెద్దు మెడ‌కు ఓ యూపీఐ స్కాన్ వేలాడ‌దీశారు. దాన్ని స్కాన్ చేస్తూ ఓ వ్య‌క్తి క‌నిపిస్తున్నాడు. చిల్ల‌ర లేదు అన‌డానికి లేకుండా ఈ అరేంజ్‌మెంట్ చేశాడ‌ని కొంద‌రు.. టెక్నాల‌జీ మ‌న సంప్ర‌దాయాల‌ను మ‌ర్చిపోయేలా చేస్తోంద‌ని మ‌రికొంద‌రు ఈ వీడియో కింద కామెంట్లు పెడుతున్నారు.