Attack : దేశ రాజధాని ఢిల్లీలో బుధవారం ఉదయం ఓ సంచలనాత్మక ఘటన చోటుచేసుకుంది. ప్రజా ఫిర్యాదుల స్వీకరణ కోసం నిర్వహించిన ‘జన్ సునవాయి’ కార్యక్రమం మాధ్యమంగా ఢిల్లీ ముఖ్యమంత్రి రేఖా గుప్తా ఎదుర్కొన్న అనుకోని ప్రమాదం ఇప్పుడు జాతీయస్థాయిలో చర్చనీయాంశమైంది. ఢిల్లీ సీఎం అధికారిక నివాసంలో జరిగిన ఈ కార్యక్రమానికి ప్రజలు భారీగా హాజరయ్యారు. అందులో 35 ఏళ్ల వయసున్న ఓ వ్యక్తి తన సమస్య చెప్పేందుకు వచ్చాడని భావించిన భద్రతా సిబ్బంది ఆయనను సాధారణ పౌరుడిగా గుర్తించి అనుమతించారు. తొలుత అతడు కొన్ని పేపర్లను సీఎంకు అందించిన తర్వాత ఈ దాడికి పాల్పడినట్లు తెలుస్తోంది.
దాడిని వెంటనే గుర్తించిన భద్రతా సిబ్బంది అప్రమత్తమై, క్షణాల్లోనే స్పందించి ఆ వ్యక్తిని అడ్డుకుని అదుపులోకి తీసుకున్నారు. ఈ ఘటనలో ముఖ్యమంత్రి రేఖా గుప్తాకు ఎలాంటి గాయాలు కాకపోవడం అందరికీ ఊరట కలిగించింది. భద్రతా సిబ్బంది త్వరిత స్పందన వల్ల పెద్ద ప్రమాదం తప్పిందని పోలీసులు తెలిపారు. దాడికి పాల్పడిన వ్యక్తి ఫిర్యాదుదారుడిగా ముసుగులోకి వచ్చి సీఎం సమీపానికి చేరుకున్నట్టు సమాచారం. అయితే అతని అసలు ఉద్దేశ్యం ఏంటి? ఎందుకు ముఖ్యమంత్రిని లక్ష్యంగా చేసుకున్నాడు? అనేవి ప్రస్తుతం పోలీసుల దర్యాప్తులో భాగంగా ఉన్నాయి.
Read Also: Airtel : జియో బాటలో ఎయిర్‌టెల్..ఇక పై ఆ ప్లాన్స్ మరచిపోవాల్సిందే !!
పోలీసులు ఈ కేసును అత్యంత ప్రాముఖ్యతతో తీసుకుని విచారణ జరుపుతున్నారు. దాడి వెనక మద్దతుదారులు ఉన్నారా? లేదా వ్యక్తిగత రివేంజ్? అన్న కోణాల్లో లోతుగా విచారణ సాగుతోంది. మరోవైపు ఈ దాడిపై అన్ని రాజకీయ పార్టీలు తీవ్రంగా స్పందించాయి. ముఖ్యంగా అధికార బీజేపీ, విపక్ష కాంగ్రెస్ దానిని తీవ్రంగా ఖండించాయి. ఢిల్లీ బీజేపీ అధ్యక్షుడు వీరేంద్ర సచ్‌దేవా మాట్లాడుతూ..ఇది బాధాకర ఘటన. సీఎం నివాసంలో ఈ స్థాయిలో భద్రతా లోపం దారుణం. ఇది కేవలం ప్రభుత్వ భద్రతపైనే కాక, ప్రజాస్వామ్య పట్ల ఆపద సంకేతం అని అన్నారు.
కాంగ్రెస్ పార్టీ తరఫున ఢిల్లీ ప్రదేశ్ అధ్యక్షుడు దేవేందర్ యాదవ్ స్పందిస్తూ..ఒక రాష్ట్ర ముఖ్యమంత్రే రక్షణ లేకుండా దాడికి గురైతే, సాధారణ మహిళల పరిస్థితి ఈ ఘటన నేపథ్యంలో ఢిల్లీ ప్రభుత్వ భవనాల భద్రతపై పునఃపరిశీలన జరిపే అవకాశం ఉంది. ముఖ్యమంత్రిపై జరిగిన ఈ దాడి భద్రత వ్యవస్థలో ఉన్న గ్యాప్‌లను బయటపెట్టిందని విశ్లేషకులు అభిప్రాయపడుతున్నారు. ప్రజలతో ప్రత్యక్షంగా మమేకం కావాలన్న ఉద్దేశంతో నిర్వహిస్తున్న కార్యక్రమాలే ప్రమాదాలకు దారితీయడం చూస్తే, భద్రతా ప్రమాణాలపై మళ్లీ ఆలోచించాల్సిన అవసరం ఎంతైనా ఉంది. సమాజంలో శాంతి, భద్రతకు ఇది ఒక హెచ్చరికగానే భావించాలి. ప్రజా ప్రతినిధులపై ఈ విధమైన దాడులు న్యాయంగా కాదు. బాధ్యులపై కఠిన చర్యలు తీసుకోవడమే కాక, భవిష్యత్తులో ఇటువంటి ఘటనలు పునరావృతం కాకుండా తగిన జాగ్రత్తలు తీసుకోవాల్సిన సమయం ఇది.
Read Also: Gold Price : పసిడి ప్రియులకు గుడ్ న్యూస్..భారీగా తగ్గిన గోల్డ్ ధరలు