Birthday Wishes : నేడు రాష్ట్రపతి ద్రౌపది ముర్ము జన్మదినం. ఈ సందర్భంగా దేశవ్యాప్తంగా ఉన్న పలువురు ప్రముఖులు, రాజకీయ నాయకులు, సామాజిక కార్యకర్తలు, ప్రముఖ నాయుకులు ఆమెకు శుభాకాంక్షలు తెలుపుతున్నారు. ముఖ్యంగా ప్రధాని నరేంద్ర మోడీ రాష్ట్రపతి ముర్ము జీవితం, నాయకత్వాన్ని పొగిడుతూ ఆమెకు జన్మదిన శుభాకాంక్షలు తెలిపారు. మోడీ ఎక్స్ వేదికగా స్పందిస్తూ..రాష్ట్రపతి ముర్ము గారి జీవితం, ఆమె నిబద్ధత, సేవా దృక్పథం దేశంలోని కోట్లాది మందికి స్ఫూర్తిదాయకం. ప్రజాసేవ, సామాజిక న్యాయం, సమగ్ర అభివృద్ధి పట్ల ఆమె చూపిస్తున్న అచంచలమైన కట్టుబాటు, దేశ ప్రజలకు బలాన్నిస్తుంది అని అన్నారు.
Read Also: Vivo Y400 Pro: భారత విపణిలోకి వివో వై400 ప్రో 5జీ స్మార్ట్ఫోన్
అలాగే, రాష్ట్రపతి ముర్ము అణగారిన, వెనుకబడిన వర్గాలకు సాధికారత కల్పించేందుకు చేసిన కృషిని ప్రధాని మోడీ ప్రత్యేకంగా ప్రస్తావించారు. ఆమె జీవితమే ఒక ఉద్యమం వలె నిలిచింది. గిరిజనుల హక్కులు, మహిళా సాధికారత, విద్యా రంగ అభివృద్ధి వంటి అంశాల్లో ఆమె చూపిన దృఢ సంకల్పం ఈ దేశానికి చాలా అవసరమైన మార్గదర్శకం అని ప్రధాని పేర్కొన్నారు. ద్రౌపది ముర్ము గారు ఒడిషాలోని మయూరభంజ్ జిల్లాకు చెందినవారు. ఆమె భౌతికంగా సాధారణ పల్లెటూరి కుటుంబంలో పుట్టినా, ఆత్మబలంతో, పట్టుదలతో తన జీవితాన్ని గర్వించదగిన విధంగా నిర్మించుకున్నారు.
ఆమె అధ్యాపకురాలిగా మొదలు పెట్టిన జీవన ప్రయాణం, ఆ తరువాత ఒడిషా శాసనసభ సభ్యురాలిగా, మంత్రిగా, అనంతరం ఝార్ఖండ్ గవర్నర్గా మరియు చివరికి భారత రాష్ట్రపతిగా కొనసాగడం ఒక ప్రత్యేక గాథ. దేశంలో తొలి గిరిజన మహిళగా రాష్ట్రపతి పదవిని అలంకరించిన ద్రౌపది ముర్ము గారి జీవితం ఎంతో మందికి ప్రేరణగా నిలుస్తోంది. ఆమె సాధించిన విజయాలు మహిళలకు, గిరిజనులకు, సామాజికంగా వెనుకబడిన వర్గాలకు నూతన ఆశల్ని కలిగిస్తున్నాయి.
ఈ సందర్భంగా ప్రధాని మోడీతో పాటు రాష్ట్రపతి భవన్ నుంచి కూడా అధికారికంగా జన్మదిన శుభాకాంక్షల ప్రకటన వెలువడింది. బీజేపీ నాయకులు, ఇతర పార్టీల ప్రముఖులు, గవర్నర్లు, ముఖ్యమంత్రులు, ప్రజా ప్రతినిధులు ముర్ము గారికి శుభాకాంక్షలు తెలిపారు. జన్మదినం సందర్భంగా దేశ ప్రజలంతా ఆమె ఆరోగ్యంగా, దీర్ఘాయుష్శాలతో దేశానికి మరింత సేవ చేయాలని ఆకాంక్షిస్తున్నారు. భగవంతుడు ఆమెకు సంపూర్ణ ఆయురారోగ్యాన్ని ప్రసాదించాలని మనసారా కోరుకుంటున్నాను అని ప్రధాని మోడీ తన సందేశంలో పేర్కొన్నారు.
Read Also: Air India : ఎయిరిండియాలో వరుస సమస్యలు.. 8 విమాన సర్వీసులు రద్దు