High IQ Person: అధిక ఐక్యూ ఉన్న వ్యక్తుల ఆలోచనా విధానం, వారు పని చేసే తీరు, నిర్ణయాలు తీసుకునే పద్ధతి వారిని ఎప్పుడూ అందరికంటే భిన్నంగా ఉంచుతాయి. మీరు కూడా విజయాన్ని అందుకోవాలంటే అధిక IQ ఉన్న వ్యక్తుల్లో ఉండే ఈ 5 ముఖ్యమైన అలవాట్లను అలవరచుకోండి.
అధిక IQ ఉన్న వ్యక్తుల 5 ముఖ్యమైన అలవాట్లు
అమితమైన ఉత్సుకత: అధిక IQ ఉన్న వ్యక్తుల ప్రధాన లక్షణం ఏంటంటే.. వారు ప్రతి విషయం వెనుక ఉన్న కారణాలను తెలుసుకోవడానికి ప్రయత్నిస్తారు. “ఎందుకు?”, “ఎలా?” అనే ప్రశ్నలను పదే పదే అడుగుతుంటారు. ఈ ఉత్సుకత వల్లే వారు నిరంతరం నేర్చుకుంటూ ఉంటారు. కొత్త పుస్తకాలు చదవడం, రకరకాల అంశాలపై పరిశోధన చేయడం, కొత్త అనుభవాలను పొందడం వీరి దైనందిన జీవితంలో భాగం.
స్వయంగా గడపడం: తెలివైన వారు తమతో తాము సమయం గడపడానికి ఇష్టపడతారు. దీనివల్ల వారు తమ గురించి తాము ఆలోచించుకోవడానికి, భవిష్యత్తు ప్రణాళికలు సిద్ధం చేసుకోవడానికి, లోతుగా ఆలోచించడానికి వీలవుతుంది. వీరికి ఒంటరితనం అనేది బలహీనత కాదు, మానసిక బలం. ఆ సమయంలోనే వారు తమ ఆలోచనలకు సృజనాత్మకతను జోడించి, కఠినమైన సమస్యలకు పరిష్కారాలను కనుగొంటారు.
Also Read: నీళ్లు తాగే విషయంలో పొరపాటు చేస్తే క్యాన్సర్ వస్తుందా?!
తమ తప్పులను ఒప్పుకోవడం: అధిక IQ ఉన్నవారు తమ తప్పుల నుండి పారిపోరు. బదులుగా వాటిని జీవితంలో నేర్చుకోవడానికి ఒక అవకాశంగా భావిస్తారు. విమర్శలను కూడా వారు బహిరంగంగా స్వీకరిస్తారు. తమను తాము మెరుగుపరుచుకోవడానికి నిరంతరం ప్రయత్నిస్తారు. నిరంతర అభివృద్ధి పథంలో వారిని నడిపించే అత్యుత్తమ అలవాటు ఇదే.
భావోద్వేగాలపై నియంత్రణ: తెలివైన వారు భావోద్వేగాలకు లోనై తొందరపాటు నిర్ణయాలు తీసుకోరు. కోపం, భయం లేదా అతి ఉత్సాహం వంటి పరిస్థితుల్లో కూడా వారు తమ సమతుల్యతను కోల్పోరు. ఏదైనా విషయానికి స్పందించే ముందు ఆలోచించి స్పందించడం వీరి ప్రత్యేక గుర్తింపు. అందుకే వీరి నిర్ణయాలు చాలా వరకు సరైనవిగా ఉండి, ఇతరులపై ప్రభావం చూపుతాయి.
నిరంతరం నేర్చుకునే అలవాటు: నేర్చుకోవడం అనేది జీవితాంతం కొనసాగే ప్రక్రియ అని వీరు నమ్ముతారు. వయస్సు, పదవి లేదా అనుభవం నేర్చుకోవడానికి అడ్డంకి కాకూడదని వీరు భావిస్తారు. ఎప్పుడూ కొత్త నైపుణ్యాలను నేర్చుకోవడం, కాలానుగుణంగా తమను తాము అప్డేట్ చేసుకోవడం వీరి అతిపెద్ద బలం.