Wikipedia Top Searches : వికీపీడియా.. మనకు ఏవిషయం మీద డౌట్ వచ్చినా, తీర్చేసే డిజిటల్ వేదిక. 2023 సంవత్సరంలో అత్యధిక వ్యూస్ వచ్చిన వికీమీడియా పేజెస్ ఏవి ? దీనికి సంబంధించిన వివరాలను వికీమీడియా ఫౌండేషన్ విడుదల చేసింది. ఇంగ్లిష్ వికీపీడియా ఈ ఏడాది 8,400 కోట్ల వ్యూస్ను సాధించింది. అత్యధికంగా ఏఐ చాట్బాట్ ‘చాట్ జీపీటీ’ (ChatGPT) పేజీని 4.94 కోట్ల మంది నెటిజన్లు వీక్షించారు. దీంతో ఈ పేజీ వ్యూస్పరంగా తొలి స్థానంలో నిలిచింది. ‘2023 సంవత్సరంలో మరణాల’ వికీపీడియా పేజీ రెండో స్థానంలో నిలిచింది. ఈ పేజీలోని మరణాలకు సంబంధించి సమాచారాన్ని వినియోగదారులు ఎక్కువగా సెర్చ్ చేశారు. టాప్ సెర్చ్ జరిగిన వికీపీడియా పేజీల జాబితాలో మన ఇండియాకు సంబంధించిన అంశాలు కూడా ఉన్నాయి. క్రికెట్, బాలీవుడ్ సినిమాలకు ఈ లిస్టులో ప్లేస్ దక్కింది. ‘ఇండియా’ కూటమికి సంబంధించిన వికీపీడియా పేజీని అత్యధికులు(Wikipedia Top Searches) వీక్షించారు.