జూబ్లీహిల్స్ ఉపఎన్నికలో కాంగ్రెస్ పార్టీ సాధించిన విజయాల్లో అత్యంత ప్రభావవంతమైనది యూసుఫ్గూడా డివిజన్ ఫలితం. ఈ డివిజన్లో కాంగ్రెస్ 55% ఓట్లను పొందడమే కాకుండా, బీఆర్ఎస్పై 21% భారీ ఆధిక్యం సాధించింది. ఈ ఫలితం కేవలం స్థానిక స్థాయి కృషి మాత్రమే కాకుండా, మొత్తం ఉపఎన్నిక వ్యూహాన్ని పర్యవేక్షించిన సీనియర్ నాయకుడు ఉత్తమ్ కుమార్ రెడ్డి నేతృత్వం వల్లే సాధ్యమైందని కార్యకర్తలు భావిస్తున్నారు.
Cars Expensive: పాకిస్థాన్లో సంక్షోభం.. భారత్లో రూ. 5 లక్షల కారు అక్కడ రూ. 32 లక్షలు!
ఉత్తమ్ కుమార్ రెడ్డి ఉపఎన్నిక ప్రారంభం నుండి చివరి క్షణం వరకు యూసుఫ్గూడా సహా మొత్తం జూబ్లీహిల్స్ నియోజకవర్గంపైన ప్రత్యేక దృష్టి సారించారు. బూత్ స్థాయి సమస్యలు, మైక్రో మేనేజ్మెంట్, వ్యూహాత్మక ఓటింగ్ మోడల్, స్థానిక నాయకుల సమన్వయం ఇవన్నీ ఉత్తమ్ వ్యక్తిగతంగా పర్యవేక్షించిన అంశాలు. ముఖ్యంగా యువ నాయకులు, శ్రేణులు, ప్రచార బృందాలతో సామూహికంగా పనిచేసేలా ప్రేరేపించడం, బూత్ ఏజెంట్లకు ప్రత్యేక శిక్షణ ఇవ్వడం, చివరి 48 గంటల్లో ఓటర్ల మొబిలైజేషన్ను అత్యంత క్రమబద్ధంగా నిర్వహించడం వంటి చర్యలు విజయానికి కీలకమైనాయి.
యూసుఫ్గూడా డివిజన్లో ప్రచారం, డేటా అనాలిసిస్, పోలింగ్ డే మేనేజ్మెంట్లో పనిచేసిన బృందం సహా అందరూ ఉత్తమ్ మార్గదర్శకతను ప్రధాన కారణంగా గుర్తిస్తున్నారు. ఈ విజయంలో నవీన్ యాదవ్ అభ్యర్థిత్వానికి మంచి ఊతం లభించగా, పోలింగ్ మేనేజ్మెంట్లో ఆరా ఏజెన్సీ మస్తాన్ సహకారం కూడా గణనీయమే. అయితే మొత్తం ప్రక్రియను పర్యవేక్షించి, చివరి క్షణం వరకు బృందాన్నంతా ఒకే దిశలో నడిపించినది ఉత్తమ్ కుమార్ రెడ్డే. ఆయన అనుభవం, రాజకీయాలపై ఉన్న పట్టుదల, ప్రచార వ్యూహాల్లో చూపిన స్పష్టత ఇవన్నీ యూసుఫ్గూడా విజయాన్ని కాంగ్రెస్కు అత్యంత ప్రతిష్టాత్మకంగా నిలబెట్టాయి.