Kishan Reddy : పూలబొకేలు, శాలువాలు, స్వీట్లు తేవొద్దు.. ఆ ఒక్క పని చేయండి : కిషన్ రెడ్డి

Kishan Reddy : గంగాపురం కిషన్‌ రెడ్డి వరుసగా రెండోసారి కేంద్ర మంత్రి మండలిలో చోటు దక్కించుకున్నారు. సికింద్రా బాద్ లోక్‌సభ స్థానం నుంచి గెలిచిన ఆయనను మరోసారి ఆ గొప్ప అవకాశం వరించింది. ఆదివారం రాత్రి కేంద్ర మంత్రిగా ప్రమాణం చేసిన కిషన్ రెడ్డికి కీలకమైన మంత్రిత్వ శాఖ దక్కే అవకాశాలు ఉన్నాయి. ఈనేపథ్యంలో ఇవాళ ఆయన ఓ ఆసక్తికర ట్వీట్ చేశారు.

ఇక సోమవారం ఉదయం ఢిల్లీలో మీడియాతో మాట్లాడుతూ కిషన్ రెడ్డి కీలక వ్యాఖ్యలు చేశారు. ‘‘ఇక ప్రతిపక్షాలన్నీ అభివృద్ధికి సహకరించాలి. గత ఐదేళ్లలో మేం తెలంగాణకు రూ.10 లక్షల కోట్ల నిధులు తెచ్చాం. మేం తెలంగాణకు నిధులు తీసుకురాలేదనే వారు మూర్ఖులు. రీజినల్ రింగ్ రోడ్డుకు రాష్ట్ర ప్రభుత్వం తరఫున నిధులను జమ చేయడం లేదు. కేంద్రం ప్రాజెక్టులకు రాష్ట్ర ప్రభుత్వం భూములు ఇవ్వడం లేదు’’ అని ఆయన తెలిపారు. ‘‘రానున్న రోజుల్లో తెలంగాణలోని 88 అసెంబ్లీ సీట్లే మా టార్గెట్. రాష్ట్రంలో కచ్చితంగా అధికారాన్ని సాధిస్తాం. వచ్చేసారి తెలంగాణలో అసెంబ్లీ , లోక్‌సభ ఎన్నికల ఒకేసారి జరుగుతాయి. నియోజకవర్గాల పునర్విభజనతో తెలంగాణలో అసెంబ్లీ సీట్లు పెరగబోతున్నాయి’’ అని కిషన్ రెడ్డి తెలిపారు.