తెలంగాణ ప్రభుత్వం సివిల్ సప్లైస్ హమాలీ కార్మికులకు (Porter Workers), స్వీపర్లకు (Sweepers) శుభవార్త అందించింది. వీరి జీతాలు, ఇతర సౌకర్యాలను పెంచుతూ కీలక నిర్ణయం తీసుకుంది. మండల స్థాయి స్టాక్ పాయింట్లు, GCC పాయింట్ల వద్ద పనిచేస్తున్న హమాలీలకు చెల్లించే ఛార్జీని క్వింటా కు రూ.26 నుండి రూ.29కు పెంచింది. ఈ నిర్ణయంతో హమాలీల ఆదాయం కొంత మేర పెరిగే అవకాశం ఉంది.
Viral : భార్యకు ముద్దు పెట్టలేకపోయిన ట్రంప్ ..!
గోదాముల్లో పనిచేస్తున్న స్వీపర్ల జీతాన్ని కూడా రాష్ట్ర ప్రభుత్వం అధికం చేసింది. ఈ స్వీపర్లకు ఇప్పటి వరకు రూ.5000 వేతనం ఉండగా, ఇప్పుడు అది రూ.6000కు పెరిగింది. అంతే కాదు హమాలీ కార్మికులకు ఇచ్చే డ్రెస్సు స్టిచ్చింగ్ ఛార్జీలను కూడా ప్రభుత్వం పెంచింది. ఇప్పటివరకు ఒక్కొక్కరికి రూ.1300 చెల్లిస్తుండగా, ఇప్పుడు దాన్ని రూ.1600కు పెంచుతూ జీవోను జారీ చేసింది. ఈ నిర్ణయం హమాలీలకు కొన్ని అదనపు ఆర్థిక ప్రయోజనాలను అందించడంలో సహాయపడుతుంది. ఈ పెంపుదలతో హమాలీ కార్మికులు, స్వీపర్ల జీవితంలో కొంతమేరకు ఆర్థిక భారం తగ్గే అవకాశం ఉంది. వేతనాల్లో పెరుగుదలతో పాటు, ప్రభుత్వం వారి సంక్షేమానికి ప్రత్యేక దృష్టి పెట్టడం గమనార్హం. ఈ నిర్ణయం కార్మిక సంఘాల ప్రశంసలను అందుకుంటోంది.
తెలంగాణ రాష్ట్ర ప్రభుత్వం కార్మికులకు న్యాయం చేయడంలో ఎల్లప్పుడూ ముందుంటుంది. తాజాగా తీసుకున్న ఈ నిర్ణయం కార్మికుల జీవన ప్రమాణాలను మెరుగుపరచడంలో ముఖ్యమైన పాత్ర పోషిస్తుందని నిపుణులు అభిప్రాయపడుతున్నారు. హమాలీలకు మరిన్ని కల్యాణపథకాలు అందించాలని కార్మికులు ఆశిస్తున్నారు.