Raja Rithvik : తెలంగాణ గ్రాండ్‌మాస్టర్‌ రాజా రిత్విక్కు మరో ఘనత దక్కింది. ఫ్రాన్స్‌లోని క్యాపెల్ లా గ్రాండేలో జరిగిన ‘క్యాపెల్ ఇంటర్నేషనల్ చెస్ ఛాంపియన్ షిప్ 2025’లో ఆయన మూడో స్థానంలో నిలిచి కాంస్య పతకాన్ని గెల్చుకున్నారు. ఈ ఛాంపియన్‌షిప్‌లో రిత్విక్ 9 రౌండ్‌లలో పాల్గొని 7 పాయింట్లు సాధించాడు. ఫ్రాన్స్‌ గ్రాండ్‌మాస్టర్‌ బోయెర్‌ మహెల్‌ గోల్డ్ మెడల్‌ను గెల్చుకున్నారు. భారత్‌‌కు చెందిన గ్రాండ్‌మాస్టర్‌ ఇనియాన్‌ పన్నీర్‌సెల్వం రజత పతకం సాధించారు. 26 దేశాలకు చెందిన 533 మంది ప్లేయర్లు ఈ టోర్నీలో పాల్గొన్నారు.
Also Read :Thodasam Kailash: ప్రధాని మోడీ ‘మన్ కీ బాత్‌’లో తెలంగాణ టీచర్‌.. తొడసం కైలాశ్ ఎవరు ?
రాజా రిత్విక్ నేపథ్యం..
- తెలంగాణ కుర్రాడు రాజా రిత్విక్(Raja Rithvik) వయసు 21 ఏళ్లు.
- రిత్విక్ కుటుంబీకులు పెద్దపల్లి జిల్లా మంథనికి చెందినవారు. రిత్విక్ కుటుంబం వరంగల్‌లో స్థిరపడింది.
- రిత్విక్ చెస్ కెరీర్‌ కోసం తల్లి దీపిక తన లెక్చరర్‌ ఉద్యోగాన్ని వదిలేశారు.
- రిత్విక్ ఆరేళ్ల వయసు నుంచే చెస్ ఆడటం మొదలుపెట్టాడు.
- తొలుత ఒక వేసవి శిక్షణ శిబిరంలో రిత్విక్కు చెస్‌లో ట్రైనింగ్ ఇప్పించారు.
- తదుపరిగా రిత్విక్కు హైదరాబాద్‌‌లో చెస్ ట్రైనింగ్ ఇప్పించారు. కోచ్‌ రామరాజు దగ్గర ఆయన చెస్ నేర్చుకున్నారు.
- 13 ఏళ్ల వయసులోనే అండర్‌-13, అండర్‌-17 జాతీయ స్థాయి టైటిల్స్‌ను రిత్విక్ గెల్చుకున్నాడు.
- 2018లో ఆసియా యూత్‌ ఛాంపియన్‌షిప్‌లో చెస్ విభాగంలో 5 గోల్డ్ మెడల్స్ గెలిచాడు.
- 14 ఏళ్లకే ఇంటర్నేషనల్ మాస్టర్ హోదాను రిత్విక్ పొందారు.
- 2019 డిసెంబరులో రిత్విక్ తన తొలి గ్రాండ్ మాస్టర్ నార్మ్‌ సాధించాడు. 2021 ఆగస్టులో రెండో నార్మ్‌ సాధించాడు. 2021 సెప్టెంబరులో మూడో నార్మ్‌ అందుకున్నాడు.
- కరోనా సంక్షోభం తగ్గుముఖం పట్టగానే గ్రాండ్‌మాస్టర్‌ హోదా సాధించే లక్ష్యంతో ఐరోపాకు రిత్విక్ వెళ్లాడు. అక్కడ వరుసగా టోర్నీల్లో పాల్గొన్నాడు. 20 రోజుల్లోనే రెండు జీఎం నార్మ్‌లతో పాటు 2500 ఎలో రేటింగ్‌ను పొందాడు.
- 2021లో రిత్విక్కు చెస్ గ్రాండ్ మాస్టర్ హోదా వచ్చింది.
- తెలంగాణ రాష్ట్రం నుంచి ఈ ఘనత సాధించిన మూడో చెస్ ఆటగాడు రిత్విక్.
- మన దేశంలో 70వ గ్రాండ్‌మాస్టర్‌ రిత్విక్.