CM Revanth Reddy : హైదరాబాద్ గచ్చిబౌలి‌లోని ఎల్లా హోటల్లో కాంగ్రెస్ లెజిస్లేటివ్ పార్టీ (సీఎల్పీ) సమావేశం ముగిసింది. 64 మంది తెలంగాణ కాంగ్రెస్ ఎమ్మెల్యేలతో డీకే శివకుమార్, మాణిక్రావ్ ఠాక్రే సమావేశమయ్యారు. సీఎం అభ్యర్థిపై వారందరి అభిప్రాయాలను తీసుకున్నారు. ఈ మీటింగ్‌లో సీఎం ఎంపిక బాధ్యతను పార్టీ అధిష్ఠానానికి అప్పగిస్తూ ఏకవాక్య తీర్మానం కూడా చేశారు. తెలంగాణలో ఏర్పడబోయే కాంగ్రెస్ సర్కారుకు సీఎం కాబోయేది ఎవరనే దానిపై కాసేపట్లోనే అధికారికంగా ప్రకటన వెలువడనుంది. మరోవైపు ఇవాళ సాయంత్రం రాజ్ భవన్‌లో సీఎం ప్రమాణ స్వీకారానికి ఏర్పాట్లు జరుగుతున్నాయి.
We’re now on WhatsApp. Click to Join.
తెలంగాణ కొత్త సీఎంగా రేవంత్ రెడ్డి ప్రమాణస్వీకారం చేయబోతున్నట్లు తెలుస్తోంది. సీఎల్పీ సమావేశంలో రేవంత్ రెడ్డినే సీఎం అభ్యర్థిగా ఎన్నుకున్నట్లు సమాచారం. ఇతర సీనియర్లను డీకే శివకుమార్ బుజ్జగించినట్లు తెలుస్తోంది. తెలంగాణ ఎన్నికల్లో ఫలితాల్లో కాంగ్రెస్ పార్టీ సంచలన విజయం సాధించింది. పదేళ్లుగా అధికారంలో ఉన్న బీఆర్ఎస్ పార్టీని ఓడించి.. సీఎం కుర్చీని హస్తగతం చేసుకుంది. మొత్తం 119 స్థానాల్లో కాంగ్రెస్ పార్టీ 64 సీట్లలో గెలిచి అధికారంలోకి వచ్చింది. ఎవరి సపోర్టు లేకుండానే.. సొంతంగానే ప్రభుత్వాన్ని ఏర్పాటు చేస్తోంది. తెలంగాణ ఏర్పడ్డాక తొలిసారి అధికారంలోకి వచ్చిన కాంగ్రెస్ పార్టీలో సీఎంగా ఎవరు ఉంటారన్నది ఇప్పుడు ఆసక్తిగా(CM Revanth Reddy) మారింది.