Hyderabad Fire Accidents: హైదరాబాద్‌లో 2019 నుంచి ఇప్పటి వరకు 6 వేల అగ్ని ప్రమాదాలు

Hyderabad Fire Accidents

Hyderabad Fire Accidents: హైదరాబాద్‌లో 2019 నుంచి ఇప్పటి వరకు ఆరు వేలకు పైగా అగ్ని ప్రమాదాలు నమోదయ్యాయి.ఈ ప్రమాదాల్లో 46 మంది ప్రాణాలు కోల్పోయారు. నగరంలో ఈ అగ్ని ప్రమాదాల కారణంగా రూ.120 కోట్లకు పైగా నష్టం వాటిల్లింది. 2022లో హైదరాబాద్ లో మొత్తం 1377 అగ్ని ప్రమాదాలు నమోదయ్యాయి. ఈ ప్రమాదాల కారణంగా రూ.50 కోట్లకు పైగా నష్టం వాటిల్లింది. ఈ అగ్ని ప్రమాదాల్లో 20 మంది ప్రాణాలు కోల్పోయారు. ప్రస్తుత ఏడాది అక్టోబర్ 31 వరకు హైదరాబాద్ లో 1092 అగ్ని ప్రమాదాలు జరగ్గా ఆరుగురు ప్రాణాలు కోల్పోయారు. తాజాగా హైదరాబాద్‌లోని బజార్‌ఘాట్‌లో అగ్ని ప్రమాదం చోటు చేసుకుంది. నాలుగు అంతస్తుల భవనంలో ఈ ప్రమాదం జరిగింది. ఈ ప్రమాద ఘటనలో తొమ్మిది మంది ప్రాణాలు కోల్పోయారు. నాలుగు అంతస్తుల నివాస భవనంలో ఈ ప్రమాదం జరిగింది.గ్రౌండ్ ఫ్లోర్‌లోని కార్ గ్యారేజీలో చెలరేగిన మంటలు పై అంతస్తులకు వ్యాపించడంతో అద్దెకు ఉండే నివాసితులు ప్రమాదంలో చిక్కుకుపోయారు.హైదరాబాద్‌లో అగ్ని ప్రమాదాల నేపథ్యంలో అగ్నిమాపక భద్రతపై అవగాహన కల్పించేందుకు సంబంధిత అధికారులు ప్రయత్నాలు చేస్తున్నారు.

Also Read: Big Update: ప్రిన్స్ ఫ్యాన్స్ కు గుడ్ న్యూస్, రెండు భాగాలుగా రాజమౌళి-మహేశ్ సినిమా