Notifications: నిరుద్యోగులకు రేవంత్ రెడ్డి ప్రభుత్వం గుడ్ న్యూస్.. పలు ఉద్యోగాలకు నోటిఫికేషన్లు..?

Notifications

Notifications: ప్ర‌జారోగ్యంపై సీఎం రేవంత్ రెడ్డి ప్ర‌త్యేక దృష్టి సారించారు. ఈ క్రమంలోనే ప్రభుత్వ వైద్యశాలలో ఖాళీగా ఉన్న 531 సివిల్ అసిస్టెంట్ స‌ర్జ‌న్‌, 193 ల్యాబ్ టెక్నీషియ‌న్‌, 31 స్టాఫ్ న‌ర్సుల భ‌ర్తీకి రంగం సిద్ధం చేశారు. అయితే త్వరలోనే వీటికి సంబంధించిన నోటిఫికేషన్ (Notifications) విడుదల కానుంది. రాష్ట్రవ్యాప్తంగా ప్రాథ‌మిక ఆరోగ్య కేంద్రాల్లో (పీహెచ్‌సీ) సివిల్ అసిస్టెంట్ స‌ర్జ‌న్ల కొర‌త ఎక్కువ‌గా ఉండడంతో ప్రభుత్వం ఈ నిర్ణయం తీసుకున్నట్లు తెలుస్తోంది.

ప్ర‌జారోగ్యంపై ప్ర‌త్యేక దృష్టి పెట్టిన రాష్ట్ర ప్ర‌భుత్వం వివిధ ఆసుప‌త్రులు, విభాగాల్లో ఖాళీగా ఉన్న పోస్టుల భ‌ర్తీ చేయాలని చూస్తోంది. ఈ క్రమంలోనే ప్ర‌భుత్వ ఆసుప‌త్రుల్లో ఖాళీల భ‌ర్తీపై రాష్ట్ర ప్ర‌భుత్వం దృష్టి సారించింది.సివిల్ అసిస్టెంట్ స‌ర్జ‌న్లు, ల్యాబ్ టెక్నీషియ‌న్లు, స్టాఫ్ న‌ర్సుల ఖాళీల భ‌ర్తీకి నోటిఫికేష‌న్ల విడుద‌లకు రంగం సిద్ధ‌మైంది. రాష్ట్రవ్యాప్తంగా ప్రాథ‌మిక ఆరోగ్య కేంద్రాల్లో (పీహెచ్‌సీ) సివిల్ అసిస్టెంట్ స‌ర్జ‌న్ల కొర‌త ఎక్కువ‌గా ఉంది. స‌మ‌స్య‌ను అధిగ‌మించి ప్ర‌జ‌ల‌కు మెరుగైన సేవ‌లు అందించేందుకుగానూ సివిల్ అసిస్టెంట్ స‌ర్జ‌న్ల పోస్టులు 531 భ‌ర్తీ చేయాల‌ని రాష్ట్ర ప్ర‌భుత్వం నిర్ణ‌యించింది. ఈ మేర‌కు తెలంగాణ రాష్ట్ర వైద్య ఆరోగ్య సేవ‌ల నియామ‌క బోర్డు (ఎంహెచ్ఎస్ ఆర్‌బీ) త్వ‌ర‌లోనే ఈ పోస్టుల భ‌ర్తీకి నోటిఫికేష‌న్ జారీ చేయ‌నుంది.

Also Read: Pawan Kalyan: రాష్ట్ర ప్రజలకు సేవలు అందించే భాగ్యం కలిగింది: డిప్యూటీ సీఎం పవన్

నియామ‌కాల అనంత‌రం ఆయా పీహెచ్‌సీల్లోని డిమాండ్‌కు అనుగుణంగా స‌ర్జ‌న్లను నియ‌మించ‌నున్నారు. వ్యాధి నిర్ధార‌ణ ప‌రీక్ష‌లు నిర్వ‌హించే ల్యాబ్ టెక్నీషియ‌న్ల పోస్టులు ఖాళీగా ఉన్నాయి. ఈ నేప‌థ్యంలోనే 193 ల్యాబ్ టెక్నీషియ‌న్ పోస్టుల భ‌ర్తీకి తెలంగాణ వైద్య విధాన ప‌రిష‌త్ త్వ‌ర‌లోనే నోటిఫికేష‌న్ జారీ చేయ‌నుంది. వివిధ ఆసుప‌త్రుల్లో రోగుల‌కు సేవ‌లు అందించే స్టాఫ్ న‌ర్సుల పోస్టుల‌ను భ‌ర్తీ చేయనున్నారు. వాటికి కూడా నోటిఫికేషన్‌ జారీ చేయనున్నారు. త్వరలోనే ఈ పోస్టులకు సంబంధించిన పూర్తి వివరాలు తెలియనున్నాయి.

We’re now on WhatsApp : Click to Join

డయాగ్నస్టిక్ టెస్ట్ సెంటర్లలో ల్యాబ్ టెక్నీషియన్ పోస్టులు కూడా ఖాళీగా ఉన్నాయి. తెలంగాణ వైద్య విధాన పరిషత్ (టీజీవీవీపీ) 193 ల్యాబ్ టెక్నీషియన్ పోస్టుల భర్తీకి నోటిఫికేషన్ విడుదల చేయనుంది. రోగులకు సేవలు అందించే స్టాఫ్ నర్సులను వివిధ ప్రభుత్వ ఆసుపత్రుల్లో నింపనున్నారు. TGSMHSRB త్వరలో 31 స్టాఫ్ నర్సుల పోస్టుల భర్తీకి నోటిఫికేషన్ విడుదల చేయనుంది.