TSRTC Joint Director: తెలంగాణ రాష్ట్ర రోడ్డు రవాణా సంస్థ టిఎస్‌ఆర్‌టిసి జాయింట్ డైరెక్టర్‌గా ఐపిఎస్ అపూర్వరావు బాధ్యతలు స్వీకరించారు. హైదరాబాద్‌లోని బస్‌భవన్‌లోని తన కార్యాలయంలో ఆమె ఛార్జ్ తీసుకున్నారు. టీఎస్ఆర్టీసీ జాయింట్ డైరెక్టర్‌గా అపూర్వరావును రాష్ట్ర ప్రభుత్వం సోమవారం నియమించింది.
హైదరాబాద్‌కు చెందిన అపూర్వరావు 2014 బ్యాచ్‌కు చెందిన ఐపీఎస్ అధికారిణి కాగా గతంలో వనపర్తి, జోగులాంబ-గద్వాల, నల్గొండ జిల్లాల్లో ఎస్పీగా పనిచేశారు. టీఎస్ఆర్టీసీ జాయింట్ డైరెక్టర్‌గా తొలి మహిళా ఐపీఎస్ అధికారి నియామకం కావడం చరిత్రాత్మకం. పదవీ బాధ్యతలు స్వీకరించిన అపూర్వరావును కార్పొరేషన్ మేనేజింగ్ డైరెక్టర్ విసి సజ్జనార్ అభినందించి సంస్థ అభివృద్ధికి, ఉద్యోగుల సంక్షేమానికి అంకితభావంతో కృషి చేయాలని కోరారు.
ప్రజా రవాణా వ్యవస్థ ప్రాముఖ్యతను గుర్తించి, ఒక మహిళా ఐపీఎస్ అధికారిని జాయింట్ డైరెక్టర్‌గా నియమించినందుకు సజ్జనార్ రాష్ట్ర ప్రభుత్వానికి కృతజ్ఞతలు తెలిపారు. ఆమెను జాయింట్ డైరెక్టర్‌గా నియమించినందుకు అపూర్వరావు ప్రభుత్వానికి అభినందనలు తెలిపారు. మహాలక్ష్మి-మహిళలకు ఉచిత బస్సు సౌకర్యం పథకాన్ని విజయవంతంగా అమలు చేయడంతోపాటు దాని ప్రభావాన్ని పెంచుతామని ఆమె ప్రతిజ్ఞ చేశారు.దేశ ప్రజా రవాణా వ్యవస్థలో కీలకమైన టిఎస్‌ఆర్‌టిసి వృద్ధికి మద్దతు ఇవ్వడంలో తన నిబద్ధతను ధృవీకరించారు. టిఎస్‌ఆర్‌టిసి అధికారులు ఆమె బాధ్యతలు స్వీకరించినందుకు అభినందనలు తెలిపారు.
Also Read: Sonia Gandhi: రాజస్థాన్ బరిలో సోనియా గాంధీ