హైదరాబాద్లో ఓ వ్యక్తి తనకు కట్నంగా పాత ఫర్నీచర్ (Old Furniture) ఇచ్చాడన్న కారణంతో తన పెళ్లిని రద్దు చేసుకున్నాడు. బస్సు డ్రైవర్గా పనిచేస్తున్న వరుడు ఆదివారం జరిగిన పెళ్లికి రాకపోవడంతో వధువు తండ్రి పోలీసులకు ఫిర్యాదు చేశాడు. వరుడి ఇంటికి వెళ్లిన తనతో వరుడి తండ్రి అసభ్యంగా ప్రవర్తించాడని వధువు తండ్రి మీడియాకు తెలిపారు. అతను అడిగినవి ఇవ్వలేదని, ఫర్నీచర్ కూడా పాతదని చెప్పాడు. ఆ తర్వాత అతను బరాత్తో రావడానికి నిరాకరించాడు. నేను పెళ్లికి విందు ఏర్పాటు చేశాను. బంధువులు, అతిథులందరినీ పిలిచాను. కానీ వరుడు రాలేదు. ఫిర్యాదు ఆధారంగా వరుడి కుటుంబం కట్నంగా ఫర్నిచర్తో పాటు ఇతర వస్తువులను ఆశిస్తున్నారని, అయితే వధువు కుటుంబీకులు వాడినట్లు చెబుతున్న ఫర్నిచర్ ఇవ్వడంతో, వరుడి కుటుంబం దానిని అంగీకరించడానికి నిరాకరించిందని తెలిపారు. పోలీసులు తెలిపిన వివరాల ప్రకారం.. IPC, వరకట్న నిషేధ చట్టం సంబంధిత సెక్షన్ల కింద కేసు నమోదు చేయబడింది. తదుపరి దర్యాప్తు జరుగుతోంది.
Also Read: Congress: సీఎం కేసీఆర్ దిష్టిబొమ్మలను దగ్ధం చేయాలని టీపీసీసీ పిలుపు