జూబ్లీహిల్స్ ఉపఎన్నికలో ఓట్ల లెక్కింపు ప్రక్రియ శుక్రవారం ఉదయం 8 గంటలకు పోస్టల్ బ్యాలెట్స్‌తో ప్రారంభం కానుంది. ఎన్నికల నియమావళి ప్రకారం మొదట పోస్టల్ ఓట్లను లెక్కించేందుకు ప్రత్యేక టేబుళ్లు ఏర్పాటు చేశారు. అనంతరం ఉదయం 8.30 గంటల నుంచి ఎలక్ట్రానిక్ ఓటింగ్ మెషిన్ల (EVM) ఓట్ల లెక్కింపు ప్రారంభమవుతుంది. మొత్తం ప్రక్రియను పారదర్శకంగా నిర్వహించేందుకు ఎన్నికల అధికారులు అదనపు సిబ్బంది, సీసీటీవీ పర్యవేక్షణ, కఠిన భద్రతా ఏర్పాట్లు చేశారు. అభ్యర్థుల ప్రతినిధులు, పరిశీలకుల సమక్షంలో లెక్కింపు జరగనుంది.
Winter Super Food: ఏంటి.. శీతాకాలంలో దొరికే ఉసిరి వల్ల ఏకంగా అన్ని రకాల ప్రయోజనాలా?
ఈసారి జూబ్లీహిల్స్ ఉపఎన్నికలో షేక్‌పేట్, ఎర్రగడ్డ, వెంగళరావు నగర్, రహమత్ నగర్, యూసుఫ్‌గూడ, సోమాజిగూడ, బోరబండ వంటి కీలక డివిజన్ల వారీగా ఓట్ల లెక్కింపు ఏర్పాటు చేయడం విశేషం. ప్రతి రౌండ్ అనంతరం డివిజన్ల వారీగా ట్రెండ్‌లను ప్రకటించే అవకాశం ఉంది. జూబ్లీహిల్స్‌లోని జనసాంద్రత, విభిన్న ప్రాంతాల రాజకీయ అభిరుచులు లెక్కింపు రౌండ్లను మరింత ఉత్కంఠభరితంగా మారుస్తాయని ఎన్నికల విశ్లేషకులు భావిస్తున్నారు. ముఖ్యంగా షేక్‌పేట్, రహమత్ నగర్, యూసుఫ్‌గూడ డివిజన్లలోని ఓటింగ్ శాతం, పార్టీల బలపాటు ఫలితాల దిశను ప్రభావితం చేసే అవకాశముంది.
Winter: చలికాలంలో చల్లనీరు లేదా వేడినీరు ఏ నీటితో స్నానం చేస్తే మంచిదో మీకు తెలుసా?
ఈ నెల 11న జరిగిన పోలింగ్‌లో మొత్తం 1,94,631 మంది ఓటర్లు తమ ఓటుహక్కును వినియోగించుకున్నారు. పోలింగ్ శాతం 48.49%గా నమోదైంది. గత ఎన్నికలతో పోలిస్తే ఈసారి పోలింగ్ శాతం కొంత తగ్గినప్పటికీ, యువ ఓటర్లు, ఐటీ కారిడార్ ఉద్యోగుల పాల్గొనడం గమనార్హం. తక్కువ పోలింగ్ నేపథ్యంలో చిన్నతరహా స్వింగ్‌లు కూడా ఫలితాన్ని మార్చే అవకాశముండడంతో అభ్యర్థులు, పార్టీ ప్రధాన కార్యాలయాలు భారీ ఆతృతలో ఉన్నాయి. కౌంటింగ్ ప్రారంభమైన తర్వాత తొలి రౌండ్లలో వచ్చే ట్రెండ్‌లు ఉపఎన్నిక ఎవరు గెలుస్తారన్న దానిపై స్పష్టతనిస్తాయనే ఆశాభావం వ్యక్తమవుతోంది.