భారత రాష్ట్ర సమితి (BRS) పార్టీ ఆగస్టు 8, 2025న కరీంనగర్లో నిర్వహించ తలపెట్టిన బీసీ గర్జన (BRS BC Meeting) సభను వాయిదా వేసింది. భారీ వర్షాల కారణంగా ఈ నిర్ణయం తీసుకున్నట్లు మాజీ మంత్రి తలసాని శ్రీనివాస్ యాదవ్ తెలిపారు. ఈ సభను ఆగస్టు 14, 2025 న అదే కరీంనగర్లో తిరిగి నిర్వహిస్తామని ఆయన ప్రకటించారు. ఈ సభ ద్వారా బిఆర్ఎస్ పార్టీ స్థానిక సంస్థల ఎన్నికల్లో బీసీలకు 42 శాతం రిజర్వేషన్లు అమలు చేయాలని డిమాండ్ చేయనుంది. తెలంగాణలో అధికారంలో ఉన్న కాంగ్రెస్ ప్రభుత్వం ఈ హామీని నెరవేర్చడంలో విఫలమైందని బిఆర్ఎస్ ఆరోపిస్తోంది.
Bus Accident : జమ్మూ కాశ్మీర్లో ఘోర రోడ్డు ప్రమాదం.. ముగ్గురు సీఆర్పీఎఫ్ జవాన్లు మృతి
బీఆర్ఎస్ నేతల ప్రకారం.. గత ఎన్నికల సమయంలో కాంగ్రెస్ పార్టీ బీసీ రిజర్వేషన్లను 23 శాతం నుంచి 42 శాతానికి పెంచుతామని హామీ ఇచ్చింది. కానీ అధికారంలోకి వచ్చాక ఆ వాగ్దానాన్ని విస్మరించిందని బిఆర్ఎస్ ఎమ్మెల్సీ మధుసూదన చారి విమర్శించారు. బీఆర్ఎస్ ఈ సభ ద్వారా బీసీ సామాజిక వర్గాల హక్కుల కోసం తన పోరాటాన్ని మరింత బలోపేతం చేయాలని లక్ష్యంగా పెట్టుకుంది. ఈ సభను విజయవంతం చేయడం ద్వారా రాష్ట్ర రాజకీయాల్లో బీసీల ప్రాధాన్యతను చాటి చెప్పాలని బిఆర్ఎస్ ప్రయత్నిస్తోంది.
Cholesterol : చెడు కొలెస్ట్రాల్ పెరగడానికి అసలు కారణాలు ఏంటో తెలుసా…?
వర్షాల వల్ల వాయిదా పడిన సభను తిరిగి ఆగస్టు 14న నిర్వహించనున్నారు. ఈ సభలో బిఆర్ఎస్ ముఖ్య నేతలు పాల్గొని, కాంగ్రెస్ ప్రభుత్వ వైఫల్యాలను ఎండగట్టే అవకాశం ఉంది. బిఆర్ఎస్ తన రాజకీయ ఎజెండాలో బీసీ రిజర్వేషన్ల అంశాన్ని ప్రధానంగా ముందుకు తీసుకెళ్తోంది. ఈ గర్జన ద్వారా పార్టీ క్యాడర్లో ఉత్సాహం నింపాలని, బీసీ వర్గాల మద్దతును కూడగట్టాలని బిఆర్ఎస్ భావిస్తోంది. అదే రోజున ఇతర సభల తేదీలను కూడా ప్రకటించనున్నట్లు తలసాని శ్రీనివాస్ యాదవ్ వెల్లడించారు.