దేశవ్యాప్తంగానే కాకుండా ప్రపంచవ్యాప్తంగా వివో స్మార్ట్ ఫోన్ లకు ఉన్న క్రేజ్ డిమాండ్ గురించి మనందరికీ తెలిసిందే. స్మార్ట్ ఫోన్ వినియోగదారులు ఎక్కువ శాతం మంది ఇష్టపడే ఫోన్స్ లో వివో ఫోన్లు కూడా ఒకటి. దానితో తన వినియోగదారుల సంఖ్యను మరింత పెంచుకోవడం కోసం వివో గట్టిగానే ప్రయత్నాలు చేస్తోంది. అందులో భాగంగానే ఇప్పటికే ఎన్నో రకాల మంచి మంచి ఫీచర్స్ కలిగిన స్మార్ట్ ఫోన్ లను విడుదల చేసిన వివో సంస్థ ఎప్పటికప్పుడు కొత్త కొత్త ఫీచర్ కలిగిన స్మార్ట్ ఫోన్లను మార్కెట్లోకి విడుదల చేస్తూనే ఉంది.
అందులో భాగంగానే తాజాగా ప్రముఖ స్మార్ట్ ఫోన్ తయారీ సంస్థ అయిన వివో టీ3 అల్ట్రా 5జీ పేరుతో నయా స్మార్ట్ ఫోన్ ను లాంచ్ చేసింది. మీడియా టెక్ డైమెన్సిటీ 9200+ చిప్‌సెట్ ద్వారా పని చేసే ఈ స్మార్ట్ ఫోన్ ఐపీ68 రేటింగ్ డస్ట్, వాటర్ ప్రొటెక్షన్‌‌తో వస్తుంది. వివో టీ 3 అల్ట్రా 5జీ ఏఐ ఎరేజర్, ఏఐ ఫోటో ఎన్‌హాన్స్ వంటి అనేక ఏఐ ఆధారిత ఫోటో ఫీచర్లను కూడా అందిస్తుంది. మరి ఈ స్మార్ట్ ఫోన్ కి సంబంధించి మరిన్ని వివరాల్లోకి వెళితే.. ఈ స్మార్ట్ ఫోన్ ని ఈ మూడు వేరియంట్స్ లో తీసుకువచ్చారు. వివో టీ 3 అల్ట్రా 5జీ ఫోన్ 8జీబీ +128 జీబీ వేరియంట్‌లో లాంచ్ చేశారు. ఇకపోతే ఈ ఫోన్ ద్వారా విషయానికొస్తే.. ఈ ఫోన్ ధర రూ.31,999 గా ఉంది. అలాగే 8 జీబీ + 256 జీబీ వేరియంట్ ధర రూ.33,999గా ఉంది.
12 జీబీ + 256 జీబీ వేరియంట్ రూ.35,999 కి అందుబాటులో ఉంది. ఈ స్మార్ట్ ఫోన్ భారతదేశంలో సెప్టెంబర్ 19 నుంచి కొనుగోలుకు అందుబాటులోకి రానుంది. ఈ ఫోన్ ఫ్లిప్‌కార్ట్‌ లో కొనుగోలు చేయవచ్చని కంపెనీ ప్రతినిధులు చెబుతున్నారు. ఈ ఫోన్ రెండు కలర్స్‌ లో వినియోగదారులకు అందుబాటులో ఉంటుంది. ఫారెస్ట్ గ్రీన్, లూనార్ గ్రే కలర్ ఆప్షన్స్‌లో ఈ ఫోన్ కొనుగోలు చేయవచ్చు. కాగా ఈ వివో టీ 3 అల్ట్రా 5జీ ఫోన్ 1.5కే రిజల్యూషన్‌ తో 6.78 అంగుళాల 3డీ కర్వ్డ్ ఎమోఎల్ఈడీ డిస్‌ప్లేతో వస్తుంది.
120 హెచ్‌జెడ్ రిఫ్రెష్ రేట్‌ ఈ ఫోన్ ప్రత్యేకత అని చెప్పవచ్చు. ఈ ఫోన్ ఆండ్రాయిడ్ 14 ఆధారంగా పనిచేసే ఫన్ టచ్ ఓఎస్ 14 పై పనిచేస్తుంది. అలాగే ఈ ఫోన్ 80 వాట్స్ ఫాస్ట్ చార్జింగ్ మద్దుతునిచ్చే 5500 ఎంఏహెచ్ బ్యాటరీ తో వస్తుంది. ఈ ఫోన్ వెనుకవైపు డ్యూయల్ కెమెరా సిస్టమ్‌ ను కలిగి ఉంది. 50 ఎంపీ సోనీ ఐఎంఎక్స్ 921 ప్రైమరీ సెన్సార్ ఆప్టికల్ ఇమేజ్ స్టెబిలైజేషన్, 8 ఎంపీ అల్ట్రావైడ్ లెన్స్ కెమెరాలు ఉన్నాయి. అలాగే ముందువైపు సెల్ఫీలు, వీడియో కాల్స్ కోసం 50 ఎంపీ కెమెరాతో వస్తుంది. ఈ ఫోన్‌లో ఆరా రింగ్ లైట్ ఆకట్టుకుంటుంది.