ప్రముఖ స్మార్ట్ ఫోన్ తయారీ దిగ్గజం వివో నుంచి తాజాగా మరో సరికొత్త స్మార్ట్ ఫోన్ మార్కెట్లోకి విడుదల అయింది. వివో టీ3 ప్రో 5జీ పేరుతో ఈ స్మార్ట్ ఫోన్ ని మార్కెట్లోకి విడుదల చేశారు. ఇకపోతే తాజాగా మార్కెట్లోకి విడుదల చేసిన ఈ స్మార్ట్ ఫోన్ కి సంబంధించి మరిన్ని వివరాల్లోకి వెళితే.. వివో టీ3 ప్రో 5జీ బేస్ వేరియంట్ 8జీబీ+ 128జీబీ ప్రారంభ ధర రూ.21,999గా ఉంది. హై ఎండ్ వేరియంట్, 8 జీబీ ర్యామ్, 256జీబీ వేరియంట్ ధర రూ.23,999 గా ఉంది. ఈ ఫోన్ ఫ్లిప్‌కార్ట్, వివో ఇండియా హోమ్ వెబ్‌సైట్, ఇతర రిటైల్ స్టోర్‌ లలో అందుబాటులో ఉంటాయి.
దీనికి సంబంధించిన సేల్ సెప్టెంబర్ 3 మధ్యాహ్నం 12 గంటల నుంచి ప్రారంభమైంది. వివో టీ3 ప్రో 5జీ రెండు రంగు ఆప్షన్ లలో వస్తుంది. అవి సాండ్‌ స్టోన్ ఆరెంజ్, ఎమరాల్డ్ గ్రీన్. కాగా కంపెనీ ప్రత్యేకమైన లాంచ్ డిస్కౌంట్ లను కూడా అందిస్తోంది. హెచ్డీఎఫ్సీ బ్యాంక్, ఐసీఐసీఐ బ్యాంక్ కార్డ్ హోల్డర్‌ లకు ఫ్లాట్ రూ. 3,000 తక్షణ తగ్గింపు లభిస్తోంది. ఫ్లిప్‌కార్ట్ యాక్సిస్ క్రెడిట్ కార్డ్ క్యాష్‌బ్యాక్ ఆఫర్‌ లపై అదనంగా 5 శాతం తగ్గింపు ఉంది. వివో టీ3 ప్రో 5జీ ఫోన్ 120హెర్జ్ రిఫ్రెష్ రేట్, 4,500 నిట్స్ పీక్ బ్రైట్‌నెస్‌ తో 6.67 అంగుళాల కర్వ్డ్ అమోల్డ్ డిస్‌ప్లేను కలిగి ఉంటుంది. కచ్చితమైన టచ్ రెస్పాన్స్ కోసం వెట్ టచ్ టెక్నాలజీని కలిగి ఉంది. ఇది వెనుక భాగంలో లెదర్ ఫినిష్ ను కలిగి ఉంటుంది.
నిగనిగలాడే బంగారు ఫ్రేమ్‌ ను కలిగి ఉంది. వెనుక ప్యానెల్ చదరపు కెమెరా మాడ్యూల్‌ ను కూడా హోస్ట్ చేస్తుంది. కెమెరా సిస్టమ్ విషయానికి వస్తే.. 8 మెగా పిక్సెల్ అల్ట్రావైడ్ కెమెరాతో 50 మెగా పిక్సెల్ ప్రైమరీ కెమెరాను కలిగి ఉంటుంది. ముందు కెమెరా సెల్ఫీలు, వీడియో కాల్స్ కోసం 16 మెగా పిక్సెల్ లెన్స్‌ ను కూడా కలిగి ఉంటుంది. ఇది 7.49 మందంతో అత్యంత సన్నని కర్వ్డ్ ఫోన్ ఇది. ఐకూ జెడ్9ఎస్ ప్రోకి సమానమైన డిజైన్‌ ను కలిగి ఉంటుంది. ఈ ఫోన్ హై రెస్ ఆడియో సర్టిఫికేషన్‌ తో డ్యూయల్ స్టీరియో స్పీకర్‌ లను కూడా కలిగి ఉంది. వివో టీ3 ప్రో స్నాప్‌డ్రాగన్ 7 జెన్ 3 చిప్‌ తో పనిచేస్తుంది. ఇది వేగవంతమైన పనితీరును అందిస్తుంది. స్మార్ట్‌ఫోన్ 80వాట్ల ఛార్జింగ్ సపోర్ట్‌తో 5500ఎంఏహెచ్ బ్యాటరీని ప్యాక్ చేస్తుంది.