చైనాకు చెందిన స్మార్ట్ ఫోన్ దిగ్గజం వివో భారత మార్కెట్లోకి ఎన్నో రకాల స్మార్ట్ ఫోన్ లను విడుదల చేసిన విషయం తెలిసిందే. వాటితో పాటు ఎప్పటికప్పుడు కొత్త కొత్త స్మార్ట్ ఫోన్ లను మార్కెట్ లోకి విడుదల చేస్తూనే ఉంది. అలాగే అందరికీ అందుబాటులో ఉండే విధంగా బడ్జెట్ స్మార్ట్ ఫోన్లను ఎక్కువగా మార్కెట్లోకి విడుదల చేస్తోంది వివో. మరి ఆ వివరాల్లోకి వెళితే.. వివో వీ40 సిరీస్‌ పేరుతో ఈ ఫోన్‌ను తీసుకొస్తున్నారు. ఇందులో భాగంగా వివో వీ40, వివో వీ40 ప్రో ఫోన్ లను తీసుకొస్తున్నారు. ఇకపోతే ఈ స్మార్ట్ ఫోన్ ఫీచర్ల విషయానికొస్తే..
ఈ స్మార్ట్ ఫోన్ లో 8 జీబీ ర్యామ్, 256 జీబీ స్టోరేజీని అందించారు. ఇక ఈ ఫోన్ క్వాల్కమ్ స్నాప్‌ డ్రాగన్ 7 జెన్ 3 ప్రాసెసర్‌ తో తీసుకొచ్చారు. ఈ ఫోన్ లో స్మూత్ మల్టీ టాస్కింగ్, గేమింగ్ కాంబినేషన్‌ తో తీసుకొచ్చారు. అలాగే ఈ ఫోన్‌లో 6.78 ఇంచెస్‌తో కూడిన అమోఎల్‌ఈడీ డిస్‌ప్లేను కూడా అందించనున్నారు. 120 హెర్ట్జ్ రీఫ్రెష్ రేటుతో 1260×2800 పిక్సెల్స్ రిజల్యూషన్‌ ఈ స్క్రీన్‌ సొంతం. ఈ స్మార్ట్ ఫోన్ ఆండ్రాయిడ్‌ 14 ఆపరేటింగ్ సిస్టమ్‌ తో పనిచేస్తుందట. ఇకపోతే ఈ స్మార్ట్ ఫోన్ కెమెరా విషయానికొస్తే.. ఈ స్మార్ట్ ఫోన్‌లో 50 మెగా పిక్సెల్స్ తో కూడిన రెయిర్‌ కెమెరాను అందించనున్నారు.
ఇక కెమెరా విషయానికొస్తే.. ఇందులో 50 ఎంపీతో కూడిన ఫ్రంట్ కెమెరాను కూడా ఇవ్వనున్నారు. రెయిర్‌ కెమెరాతో 4 కే రిజల్యూషన్‌ తో కూడిన వీడియోలను రికార్డ్ చేసుకోవచ్చు. ఈ స్మార్ట్ ఫోన్ లో 80 వాట్స్‌ ఫాస్ట్ ఛార్జింగ్‌ కు సపోర్ట్‌ చేసే 5,500 ఎంఏహెచ్‌ బ్యాటరీని సైతం అందించారు. ఈ ఫోన్ స్టెల్లార్ సిల్వర్, నెబులా పర్పుల్ కలర్స్‌ లో తీసుకొచ్చారు. ఇక కనెక్టివిటీ విషయానికొస్తే ఇందులో.. 5జీ, వైఫై 5, బ్లూటూత్ వీ 5.4, ఎన్ఎఫ్ సీ, యూఎస్బీ టైప్ సీ పోర్ట్ వంటి అద్భుతమైన ఫీచర్లను కూడా అందించారు.