ప్రస్తుత రోజులో స్మార్ట్ ఫోన్ వినియోగం ఎలా ఉందో మనందరికీ తెలిసిందే. చిన్నపిల్లల నుంచి పెద్దవారి వరకు ప్రతి ఒక్కరూ ఈ స్మార్ట్ ఫోన్ వినియోగిస్తున్నారు. ఉదయం లేచిన దగ్గర్నుంచి రాత్రి పడుకునే వరకు మొబైల్ ఫోన్లతోనే కాలక్షేపం చేస్తూ ఉంటారు. అయితే మొబైల్ ఫోన్లు వినియోగించే వారికి ఎదురయ్యే పెద్ద సమస్య మొబైల్ డేటా త్వరగా అయిపోవడం. ఎంత తక్కువగా ఉపయోగించినప్పటికి డేటా త్వరగా అయిపోతుందని చాలామంది చెబుతూ ఉంటారు. కొన్ని కొన్ని సార్లు 2జీబీ డేటా అయినా కూడా త్వరగా అయిపోతూ ఉంటుంది. మరి డేటా త్వరగా అయిపోతుంది అలాంటి సమయంలో ఏం చేయాలో ఇప్పుడు మనం తెలుసుకుందాం..
రోజు ముగిసేలోపు మొబైల్ డేటా అయిపోతుందని మీరు ఆందోళన చెందుతుంటే, మీరు ఇక చింతించాల్సిన అవసరం లేదు. ఎందుకంటే స్మార్ట్‌ఫోన్ వినియోగదారులు మనం చేసే చిన్నచిన్న పొరపాట్లు సవరించుకుంటే సరిపోతుందని చెబుతున్నారు. ఇంతకీ ఏం చేయాలి అంటే.. బ్యాక్గ్రౌండ్ యాప్‌లను మూసివేయాలి. మాములుగా కొన్నిసార్లు యాప్‌లు ఫోన్‌లో బ్యాక్‌గ్రౌండ్‌లో రన్ అవుతాయి. దాని గురించి మనకు కూడా తెలియదు. బ్యాక్గ్రౌండ్ లో రన్ అవుతున్న ఈ మొబైల్ యాప్ లు డేటాను వినియోగిస్తూనే ఉంటాయి. అలాంటప్పుడు, డేటాను సేవ్ చేయడానికి, ఫోన్ సెట్టింగ్‌ లకు వెళ్లి అప్లికేషన్‌ లపై క్లిక్ చేసి, ఆపై మీకు అంతగా ఉపయోగపడని యాప్‌పై క్లిక్ చేయాలి.
యాప్ పై క్లిక్ చేసిన తర్వాత, యాప్ సెట్టింగ్‌ లను జాగ్రత్తగా చెక్ చేయాలి. డిఫాల్ట్‌ గా ఆన్‌ లో ఉండే బ్యాక్గ్రౌండ్ డేటా ఎంపికను మీరు కనుగొంటారు. ఈ ఎంపికను ఆఫ్ చేయాలి.. ఇది మీ మొబైల్ డేటా వినియోగాన్ని తగ్గిస్తుంది. అదేవిధంగా ప్లే స్టోర్ లోకి వెళ్లి యాప్స్ ఆటోమేటిక్గా అప్డేట్ అవుతున్నాయో లేదో చూసి ఆటోమేటిక్ అప్డేటెడ్ ఆప్షన్ ను ఆఫ్ చేయాలి. అలా అయితే ఈ ఎంపికను వైఫైకి సెట్ చెయ్యాలి. తద్వారా వైఫై కి కనెక్ట్ చేయబడినప్పుడు మాత్రమే యాప్‌ల అప్డేట్ గురించి తెలుస్తుంది. అదేవిధంగా వాట్సాప్ యూజర్లు యాప్‌లో అందించిన కాలింగ్ ఫీచర్‌ను ఉపయోగిస్తున్నారు. అయితే మీరు కాల్ చేస్తున్నప్పుడు మొబైల్ డేటాను సేవ్ చేసుకునే ఫీచర్‌ తో యాప్ లో కూడా ఉందని మీకు తెలుసా? కాల్స్‌ కోసం తక్కువ డేటా ఉపయోగించే ఆప్షన్ ఉంటుంది.
దీనిని ఎనేబుల్ చేయడానికి వాట్సాప్ సెట్టింగ్‌లకు వెళ్లి స్టోరేజ్ అండ్‌ డేటా ఎంపికకు వెళితే అక్కడ మీకు ఆప్షన్స్ కనిపిస్తాయి. వాటిని ఎనేబుల్ చేస్తే సరిపోతుంది. అలాగే మీరు మీ ఫోన్‌లో లొకేషన్ సర్వీస్‌ను ఎల్లవేళలా ఆన్‌లో ఉంచినప్పటికీ, మీ మొబైల్ డేటా వేగంగా అయిపోతుందని మీకు తెలుసా? మీరు డేటాను సేవ్ చేయాలనుకుంటే, ఫోన్ సెట్టింగ్‌ లకు వెళ్లి ఈ ఎంపికను ఆఫ్ చేయాలనీ చెబుతున్నారు. అదేవిధంగా మీరు మొబైల్ డేటాలో యూట్యూబ్, అమెజాన్ ప్రైమ్ వీడియో లేదా నెట్‌ఫ్లిక్స్ చూసినట్లయితే, వీడియో నాణ్యతను తక్కువగా సెట్ చేయాలి. లేకుంటే అధిక నాణ్యత కారణంగా మొబైల్ డేటా వేగంగా అయిపోతుందట.