ప్రస్తుతం మార్కెట్లోకి ఎన్నో రకాల స్మార్ట్ ఫోన్లు విడుదల అవుతున్న విషయం తెలిసిందే. నెలలో పదుల సంఖ్యలో స్మార్ట్ ఫోన్లో మార్కెట్లోకి విడుదల అవుతుండడంతో ఏ స్మార్ట్ఫోన్ ని కొనుగోలు చెలియాలో తెలియక వినియోగదారులు ఆలోచనలో పడుతున్నారు. అంతేకాకుండా ఒక దానిని మించి ఒకటి అద్భుతమైన ఫీచర్స్ తో స్మార్ట్ ఫోన్ ని విడుదల చేస్తుండడంతో వినియోగదారులకు ఎలాంటి మొబైల్లు కొనుగోలు చేయాలో తెలియక తికముకపడుతున్నారు. అయితే ఎక్కువ శాతం మంది బడ్జెట్ స్మార్ట్ ఫోన్ల పైన దృష్టిలో సారిస్తున్నారు.
మరి ఈ మార్కెట్లో బడ్జెట్ రేంజ్ లో ఉన్న స్మార్ట్ ఫోన్లో ఏవో ఇప్పుడు మనం తెలుసుకుందాం.. రియల్ మీ 12 ప్రో.. ఈ స్మార్ట్ ఫోన్ 8 జీబీ ర్యామ్, 28 జీబీ స్టోరేజ్ తో అందుబాటులో ఉంది. క్వాల్కమ్ స్నాప్ డ్రాగన్ 6 జెన్ వన్ చిప్‌సెట్ తో పనిచేస్తుంది. 6.7అంగుళాల కర్వ్డ్ డిస్‌ప్లేతో విజువల్ స్పష్టంగా ఉంటుంది. దీనిలో ట్రిపుల్ కెమెరా సెటప్ ఆకట్టుకుంటోంది. 67 డబ్ల్యూ సూపర్వూక్ చార్జర్ ను ఉపయోగించి దీనిలోని 5000 ఎంఏహెచ్ బ్యాటరీని కేవలం 28 నిమిషాలలోనే చార్జింగ్ చేసుకోవచ్చు. కాగా ఈ ఫోన్ ధర 22,999 గా ఉంది.
అలాగే మరో బడ్జెట్ ఫోన్ నథింగ్ ఫోన్ (2ఎ)… ఈ ఫోన్ 8 జీబీ ర్యామ్, 128 స్టోరేజీ సామర్థ్యంతో అందుబాటులోకి వచ్చింది. దీనిలో అమెలెడ్ ప్యానెల్, డ్యూయల్ స్టీరియో స్పీకర్ సెటప్, రెండు హెచ్ డీ మైక్రోఫోన్లు, గ్లిఫ్ ఇంటర్‌ఫేస్‌లో మూడు ఎల్ఈడీ స్ట్రిప్పులు ఉన్నాయి. దీనిలో 50 ఎంపీ+ 50 ఎంపీ కెమెరా సెటప్ ఏర్పాటు చేశారు. ముందు భాగంలో సెల్ఫీ, వీడియో కాల్స్ కోసం 32 ఎంపీ సెన్సార్ ఉంది. మీడియా టెక్ డైమన్సిటీ 7200 ప్రో చిప్‌సెట్ ద్వారా ఆధారితంగా పనిచేస్తుంది. దీని ధర రూ.23,999 గా ఉంది.
మరో బడ్జెట్ స్మార్ట్ ఫోన్ పోకో ఎక్స్ 6 ప్రో. ఇందులో 6.67 అంగుళాల అమోలెడ్ డిస్ ప్లే ఉంది. మీడియా టెక్ డైమన్సిటీ 8300 ఆల్ట్రా తో పనిచేస్తుంది. గ్రాఫిక్స్ ఇంటెన్సివ్ టాస్క్‌ల కోసం మాలి జీపీయూను జత చేశారు. ఎక్స్ 6 ప్రో ఆప్టికల్ ఇమేజ్ స్టెబిలైజేషన్ 8 ఎంపీ అల్ట్రా వైడ్ యాంగిల్ లెన్స్, 2 ఎంపీ మాక్రో లెన్స్‌కు మద్దతుతో 64 ఎంపీ ప్రైమరీ కెమెరా ఏర్పాటు చేశారు. సెల్ఫీ, వీడియోల కోసం 16 ఎంపీ ఫ్రంట్ ఫేసింగ్ సెన్సార్ ఉంది. దీనిలోని 5,000 ఎంఏహెచ్ బ్యాటరీని 67 డబ్ల్యూ ఛార్జర్ తో వేగంగా చార్జింగ్ చేసుకోవచ్చు. ఐపీ 54 రేటింగ్, ఇన్-డిస్‌ప్లే ఫింగర్‌ప్రింట్ సెన్సార్, ఐఆర్ బ్లాస్టర్‌ అదనపు ప్రత్యేకతలుగా చెప్పవచ్చు.
ఇన్ఫినిక్స్ జీటీ 20 ప్రో… ఇందులో 6.78 అంగుళాల ఫుల్ హెచ్ డీ డిస్ ప్లే, 8 జీబీ ర్యామ్, 256 జీబీ స్టోరేజీ, మీడియా టక్ డైమన్సిటీ 8200 అల్టిమేట్ చిప్‌సెట్ దీని ప్రత్యేకతలు. గ్రాఫిక్స్ఇంటెన్సివ్ టాస్క్‌ల కోెసం మాలి జీ610- ఎంసీ6 చిప్‌సెట్‌తో జత చేశారు. దీనిలో 5,000 ఎంఏహెచ్ బ్యాటరీని 45 డబ్ల్యూ అడాప్టర్ తో వేగంగా చార్జింగ్ చేసుకోవచ్చు. ఇన్ఫినిక్స్ సొంత ఎక్స్ వోఎస్ 14 ఆపరేటింగ్ సిస్టమ్‌పై నడుస్తుంది. ఈ ఫోన్ లో రెండేళ్ల సాఫ్ట్‌వేర్ అప్‌డేట్లు, మరో ఏడాది సెక్యూరిటీ ప్యాచ్‌లకు వారంటీ ఉంది. ఈ ఫోన్ ధర 24,999 గా ఉంది.
మార్కెట్ లో బడ్జెట్ ధరలో ఉన్న స్మార్ట్ ఫోన్ లలో వన్ ప్లస్ నోర్డ్ సీఈ4 కూడా ఒకటి. ఈ ఫోన్ లో 6.7 అంగుళాల హెడ్ అమోలెడ్ డిస్ ప్లే ఉంది. 8 జీబీ ర్యామ్, 125 జీబీ స్టోరేజ్, క్వాల్కమ్ స్నాప్ డ్రాగన్ 7 జెన్ 3 ఎస్వోసీ, గ్రాఫిక్స్ ఇంటెన్సివ్ టాస్క్‌ల కోసం అండ్రేనో 720 జీపీయూ ఏర్పాటు చేశారు. ఆప్టికల్ ఇమేజ్ స్టెబిలైజేషన్ 8 ఎంపీ సోనీ అల్ట్రా-వైడ్ యాంగిల్ లెన్స్‌తో 50 ఎంపీ సోనీ ఎల్వైటీ 600 ప్రైమరీ, డ్యూయల్ రియర్ కెమెరా సెన్సార్ ఉన్నాయి. సెల్ఫీలు, వీడియో కాలింగ్ కోసం 16 ఎంపీ ఫ్రంట్ ఫేసింగ్ షూటర్‌ను అమర్చారు. ఈ ఫోన్ 24,999 గా ఉంది.