చైనాకు చెందిన ప్రముఖ స్మార్ట్ ఫోన్ దిగ్గజం ఒప్పో ఇప్పటికే చాలా రకాల స్మార్ట్ ఫోన్ లను మార్కెట్లోకి విడుదల చేసిన విషయం తెలిసిందే. వీటితోపాటు కొత్త కొత్త స్మార్ట్ ఫోన్లను మార్కెట్లోకి విడుదల చేస్తూనే ఉంది ఒప్పో. అందులో భాగంగానే ఇప్పుడు మూడు సరికొత్త స్మార్ట్ ఫోన్లను మార్కెట్ లోకి విడుదల చేయబోతోంది. ప్రస్తుతం ఒప్పో సంస్థ మూడు సరికొత్త స్మార్ట్ ఫోన్లను మార్కెట్లోకి తీసుకువచ్చే ప్రయత్నంలో ఉంది. అతి పెద్ద బ్యాటరీలు కలిగిన ఈ స్మార్ట్ ఫోన్ లను విడుదల చేసేందుకు గట్టిగానే ప్రయత్నిస్తోంది ఒప్పో. 2024 లో 6,000mAh బ్యాటరీలతో కూడిన హ్యాండ్‌సెట్‌ లను ప్రవేశపెట్టగా, సిలికాన్ కార్బన్ బ్యాటరీలను ఉపయోగించడం వైపు తయారీదారులు మొగ్గు చూపుతున్నారు.
కాగా చైనీస్ ఫోన్ తయారీదారు ఇప్పటికే 7,000mAh బ్యాటరీలతో 2 స్మార్ట్ఫోన్ లను డెవలప్ చేస్తున్నట్లు టిప్‌స్టర్ లో పేర్కొన్నారు. ఇదిలా ఉండగా, వచ్చే నెలలోగా మరో కంపెనీ 7,000mAh బ్యాటరీతో కూడిన ఫోన్ ను రిలీజ్ చేయవచ్చని ఇటీవల నివేదికలు తెలిపాయి. ఒప్పో స్మార్ట్ఫోన్ లు 80డబ్ల్యూ ఛార్జింగ్ కు సపోర్టుతో భారీ బ్యాటరీలతో రానున్నాయి. అయితే వెయిబోలో టిప్‌స్టర్ డిజిటల్ చాట్ స్టేషన్ షేర్ చేసిన వివరాల ప్రకారం.. ఒప్పో నెక్స్ట్ హై పర్ఫార్మెన్స్ కొత్త ఫోన్ పెద్ద బ్యాటరీలతో అమర్చి ఉంటుంది. డెవలప్‌మెంట్‌ లో ఉన్న 3 హ్యాండ్‌సెట్‌ ల గురించి యూజర్ సమాచారాన్ని లీక్ చేశారు. మూడు మోడల్ లు ప్రస్తుత ఫ్లాగ్‌ షిప్ లైనప్ కన్నా ఎక్కువ బ్యాటరీలతో అమర్చి ఉన్నాయట. కాగా టిప్‌స్టర్ జాబితా చేసిన 3 స్మార్ట్ఫోన్ లలో మొదటిది 6,285mAh బ్యాటరీ లేదా 6,400mAh తో అమర్చి ఉండవచ్చట.
కంపెనీ పెద్ద 6,850mAh బ్యాటరీ లేదా 7,000mAh తో మరో హ్యాండ్‌సెట్‌ పై పనిచేస్తుందని తెలిపింది. ఈ రెండు మోడల్‌లు 80W ఛార్జింగ్ కు సపోర్ట్‌ను అందిస్తాయని అంచనా. డ్యూయల్ సెల్ 6,140mAh బ్యాటరీ 6,300mAh కలిగిన మూడో స్మార్ట్ఫోన్ కూడా డెవలప్ స్టేజీలో ఉందని టిప్‌స్టర్ పేర్కొంది. ఈ మోడల్ ఇతర 2 హ్యాండ్‌సెట్‌ల కన్నా చిన్నది అయితే, 100డబ్ల్యూ ఛార్జింగ్ సపోర్ట్‌తో రావచ్చట. 7,000mAh బ్యాటరీతో కూడిన స్మార్ట్‌ఫోన్‌ను డిసెంబర్‌లో లాంచ్ చేయవచ్చని లేటెస్ట్ నివేదిక సూచిస్తుంది.