చాలామంది వాట్సాప్ వినియోగదారులు ఇబ్బంది పడుతున్న సమస్యలను స్టోరేజ్ సమస్య కూడా ఒకటి. మరి ముఖ్యంగా మొబైల్ ర్యామ్ తక్కువ ఉన్నవారు ఈ వాట్సాప్ లో మొబైల్ స్టోరేజీతో ఇబ్బంది పడుతూ ఉంటారు. ప్రతిరోజు వచ్చే మెసేజ్లతో స్టోరేజ్ త్వరగా ఫుల్ అయిపోతూ ఉంటుంది. కొన్ని కొన్ని సార్లు మనకు వచ్చే మెసేజెస్ డిలీట్ చేయడం కూడా కష్టంగా మారుతూ ఉంటుంది. అయితే ఒకేసారి వాట్సాప్ లో మెసేజెస్ అన్ని డిలీట్ చేద్దాము అనుకుంటే కొన్ని ఇంపార్టెంట్ మెసేజెస్ డిలీట్ అవుతాయని అలాగే చాలామంది మెసేజ్ లను డిలీట్ చేయకుండా అలాగే ఉంచుకుంటూ ఉంటారు.
దాంతో కొద్ది రోజులకే స్టోరేజ్ ఫుల్ అయిపోతుంది. అప్పుడు మెసేజ్‌లు డిలీట్ చేయకపోయినా స్టోరేజీని క్లియర్‌ చేసుకునే ఒక ఫీచర్‌ అందుబాటులో ఉంది. అవతలి వ్యక్తి నుంచి వచ్చే చాటింగ్‌లో సందేశాలు, ఫోటోలు, వీడియోలు, గిఫ్ట్ లు, వాయిస్ సందేశాలు, స్టిక్కర్లు వంటి వాటిని వేటికి అవే తొలగించవచ్చు. వినియోగదారుడు వేటిని ఉంచాలనుకుంటున్నారో వేటిని అవసరం లేదనుకుంటున్నారో ఎంచుకోవచ్చు. అదెలాగో ఇప్పుడు మనం తెలుసుకుందాం.. ఇఓస్ , ఆండ్రాయిడ్ వినియోగదారులకు ప్రక్రియ ఒకే విధంగా ఉంటుంది. మొదట సెట్టింగ్‌ అనే ఆప్షన్ ఎంచుకుని, స్టోరేజీ అండ్ డేటా ఆప్షన్ క్లిక్ చేసి మేనేజ్ స్టోరేజ్ ను ఎంచుకోవాలి.
ఆ తర్వాత మీరు ఫోన్‌లో అవసరం లేదనుకుంటున్న వాటి పక్కన ఉన్న సంబంధిత బాక్స్‌లను టిక్ చేయాలి. అనంతరం డిలీట్ సింబల్‌ పై నొక్కితే మీరు ఎంచుకున్నవి ఒకేసారి డిలీట్ అయిపోతాయి. అలాగే 5ఎంబీ కంటే ఎక్కువ ఉన్న ఫైల్ లేదా ఇమేజ్, వీడియోలు ఎన్ని ఉన్నాయి. ఒకే ఐటమ్‌ ఎన్నిసార్లు ఫార్వార్డ్ చేశారో అన్న విషయాలను కూడా తెలుసుకునే వెసులుబాటు ఉంది. అందుకోసం సెట్టింగ్‌ ఆప్షన్ లోకి వెళ్లి డేటా అండ్ స్టోరేజి పై క్లిక్ చేసి స్టోరేజ్ ఆప్షన్ ఎంచుకుంటే 5ఎంబీ కంటే ఎక్కువ స్పేస్‌ ఉన్న లేదా ఫార్వార్డ్ చేయబడిన ఐటమ్స్‌ కనిపిస్తాయి. వీటిలో ఏది తీసేయాలనుకుంటే వాటిని ఈజీగా తొలగించవచ్చు.