iQOO 9T: మార్కెట్ లోకి వచ్చేసిన ఐక్యూ 9టీ ఫోన్.. ధర, ఫీచర్లు, ముఖ్యమైన విషయాలివే!
తాజాగా భారత మార్కెట్ లోకి ఐక్యూ నుంచి ఫ్లాగ్ షిప్ ఫోన్ అయినటువంటి 9టీ విడుదల అయింది. ఈ ఏడాది ఆగస్టులో
- Written By: Nakshatra
- Publish Date - August 3, 2022 / 02:30 PM IST
తాజాగా భారత మార్కెట్ లోకి ఐక్యూ నుంచి ఫ్లాగ్ షిప్ ఫోన్ అయినటువంటి 9టీ విడుదల అయింది. ఈ ఏడాది ఆగస్టులో వచ్చిన తొలి ఫోన్ ఇదే కావడం విశేషం. కాగా ఈ ఫోన్ లో స్నాప్ డ్రాగన్ 8 ప్లస్ జనరేషన్ 1 ర్యామ్ కూడా ఉంటుంది. అదేవిధంగా క్వాల్ కామ్ ఫ్లాగ్ షిప్ ప్రాసేసర్ తో భారత మార్కెట్ లోకి వచ్చిన తొలి ఫోన్ కూడా ఇదే. ఇందులో వీ1ప్లస్ అనే డిస్ ప్లే చిప్ కూడా ఉంటుంది.
ఇది మంచి గేమింగ్ అనుభవాన్ని ఇవ్వడంతో పాటు నైట్ మోడ్ లో తీసుకునే ఫోటోల నాణ్యతను కూడా పెంచుతుంది అని కంపెనీ వారు చెబుతున్నారు. ఈ ఫోన్ 6.78 అంగుళాల అమోలెడ్ డిస్ ప్లే, 120 గిగాహెర్జ్ రీఫ్రెష్ రేటుతో వస్తుంది. ఇది ఆండ్రాయిడ్ 12 ఓఎస్ పై పనిచేస్తుంది. మొబైల్ వెనుక భాగంలో మూడు కెమెరాలు ఉండగా అందులో 50 మెగాపిక్సల్ ప్రైమరీ సెన్సార్ కాగా, 13 మెగాపిక్సల్ వైడ్ యాంగిల్ సెన్సార్, 12 మెగా పిక్సల్ పోర్ట్రయిట్ సెన్సార్ ఉంటుంది. ఇక ముందు భాగంలో 16 మెగా పిక్సల్ కెమెరా ఉంటుంది. ఈ నెల అనగా ఆగస్ట్ 4న మధ్యాహ్నం 12 గంటలకు అమెజాన్ లో మొదటి విడత విక్రయాలు జరుగుతాయి.
ఐక్యూ9 స్టోర్ నుంచి కూడా వీటిని కొనుగోలు చేయవచ్చు. 8జీబీ ర్యామ్, 128జీబీ స్టోరేజీ సామర్థ్యం కలిగిన వేరియంట్ ధర రూ.49,999 కాగా,12జీబీ, 256జీబీ వేరియంట్ ధర రూ.54,999. ఇక ఐసీఐసీఐ బ్యాంకు కార్డుల పై అయితే రూ.4,000 తక్షణ వరకు డిస్కౌంట్ లభిస్తుంది.