ఐఫోన్ లకు మార్కెట్ లో ఉన్న క్రేజ్ డిమాండ్ గురించి మనందరికి తెలిసిందే. కొత్త కొత్త ఐఫోన్ లు మార్కెట్ లోకి ఎప్పుడెప్పుడు విడుదల అవుతాయా అని వినియోగదారులు ఎంతో ఆత్రుతగా ఎదురు చూస్తూ ఉంటారు. అయితే చాలా మందికి ఐఫోన్ లను ఉపయోగించాలి అని ఉన్నప్పటికీ వాటి ధర కారణంగా వెనకడుగు వేస్తుంటారు. ఇకపోతే ఇప్పటికే మార్కెట్ లోకి ఎన్నో రకాల ఐఫోన్ లు విడుదల అయిన విషయం తెలిసిందే. వాటితో పాటు కొత్త కొత్త ఐఫోన్ లు మార్కెట్ లోకి విడుదల అవుతూనే ఉన్నాయి. అందులో భాగంగానే ఐఫోన్ 16 ఫోన్ లాంచ్‌ చేసేందుకు యాపిల్ సిద్ధమవుతోంది.
త్వరలోనే ఐఫోన్ 16 సరీస్‌ లాంచ్‌ కానుంది. ఈ నేపథ్యంలోనే అంతకు ముందు వచ్చిన మోడల్స్‌పై ప్రస్తుతం భారీ ఆఫర్లు అందిస్తున్నారు. ఇందులో భాగంగానే ఫ్లిప్‌కార్ట్‌లో ఐఫోన్ 15 ప్లస్ ఊహకందని డిస్కౌంట్ లభిస్తోంది. మరి ఆ వివరాల్లోకి వెళితే.. యాపిల్ ఐఫోన్ 15 ప్లస్ స్మార్ట్ ఫోన్ అసలు ధర రూ. 89,600 కాగా, ప్రస్తుతం సేల్‌ లో భాగంగా 15 శాతం డిస్కౌంట్ లభిస్తోంది. దీంతో ఈ ఫోన్ ను రూ. 75,999కే సొంతం చేసుకోవచ్చు. అంటే ఈ ఫోన్ పై ఏకంగా రూ. 14 వేల డిస్కౌంట్ ని పొందవచ్చు. అయితే ఈ ఆఫర్ ఇక్కడితో ఆగిపోలేదు. పలు బ్యాంకులకు చెందిన చెందిన క్రెడిట్ కార్డులతో కొనుగోలు చేస్తే అదనంగా రూ. 1000 వరకు డిస్కౌంట్ పొందవచ్చట.
దీంతో ఈ ఫోన్ ను రూ. 74,999కి పొందవచ్చు. అలాగే ఈ ఫోన్ పై ఎక్స్ఛేంజ్‌ ఆఫర్ సైతం లభిస్తోంది. మీ పాత ఫోన్ కండిషన్‌ ఆధారంగా గరిష్టంగా రూ. 40,850 వరకు డిస్కౌంట్ ని పొందవచ్చు. ఇలా అన్ని ఆఫర్లు కలుపుకుంటే ఈ ఫోన్ ను కేవలం రూ. 35 వేలకే సొంతం చేసుకోవచ్చు. ఇకపోతే ఐఫోన్ 15 ప్లస్ ఫోన్ లో ఫీచర్ల విషయానికొస్తే.. ఇందులో 48 మెగా పిక్సెల్స్‌, 12 మెగా పిక్సెల్స్‌ తో కూడిన డ్యూయల్‌ కెమెరా సెటప్‌ ను అందించారు. అలాగే సెల్ఫీలు, వీడియో కాల్స్‌ కోసం ఇందులో 12 మెగా పిక్సెల్స్‌ తో కూడిన ఫ్రంట్ కెమెరాను కూడా ఇచ్చారు. అలాగే ఇందులో 6.7 ఇంచెస్‌ తో కూడిన సూపర్‌ రెటినీ ఎక్స్‌డీఆర్‌ డిస్‌ప్లేను ఇచ్చారు. ఇక ఈ ఫోన్ ఏ16 బయోనిక్‌ చిప్‌, 6 క్రోర్‌ ప్రాసెసర్‌ ను అందించారు. బిల్ట్‌ ఇన్‌ స్టీరియో స్పీకర్‌ ను ఇచ్చారు.