Search On Mobile : గూగుల్ క్రోమ్​లో 5​ కొత్త ‘సెర్చ్‌’ ఫీచర్స్

Search On Mobile : గూగుల్‌ క్రోమ్‌ ప్రపంచంలో అత్యధికులు వినియోగిస్తున్న వెబ్ బ్రౌజర్. ఇందులో 5 నూతన ఫీచర్లు అందుబాటులోకి వచ్చాయి. ఇంతకీ అవేమిటి ? వాటిని ఎలా వినియోగించాలి ? ఆ ఫీచర్లతో నెటిజన్లకు కలిగే సౌలభ్యం ఏమిటి ? ఇప్పుడు తెలుసుకుందాం..

We’re now on WhatsApp. Click to Join

• గూగుల్ క్రోమ్ బ్రౌజర్​లోని అడ్రస్​ బార్​ను నూతనంగా రీడిజైన్ చేశారు. అయితే ఈ ఫీచర్ ప్రధానంగా ట్యాబ్లెట్​లో ఉండే క్రోమ్ బ్రౌజర్​లో పని చేస్తుంది. దీనివల్ల మీరు ఏదైనా సెర్చ్‌ చేస్తున్నప్పుడు, సెర్చ్‌ బార్‌ కిందనే  డ్రాప్​డౌన్‌ కనిపిస్తుంది. అందులో మీరు ఇటీవల చూసిన వెబ్‌సైట్లు, వెతుకుతున్న విషయానికి సంబంధించిన అంశాలు కనిపిస్తాయి.
• ‘ట్రెండింగ్‌ సెర్చెస్‌’ ఫీచర్‌ ఇప్పటి వరకు ఆండ్రాయిడ్‌ యూజర్లకే  అందుబాటులో ఉంది. ఇప్పుడిది యాపిల్ ఐఫోన్‌ యూజర్లకు కూడా అందుబాటులోకి వచ్చింది. యాపిల్‌ యూజర్లు సెర్చ్‌ బార్‌పై క్లిక్‌ చేస్తే..ప్రస్తుతం ఆ ప్రాంతంలో  ట్రెండింగ్‌లో ఉన్న అంశాలు కనిపిస్తాయి.
• కొత్తగా లైవ్ స్పోర్ట్స్ కార్డ్‌లు గూగుల్ క్రోమ్​లోని డిస్కవర్ ఫీడ్‌లో(Search On Mobile)  కనిపిస్తాయి.  గతంలో వెతికిన వార్తలు, స్పోర్ట్స్‌ కార్డులు ఇందులో డిస్‌ప్లే అవుతాయి. మూడు చుక్కల మెనూను ఉపయోగించి డిస్కవర్‌ ఫీచర్‌ని మనం కస్టమైజ్ చేసుకోవచ్చు.
• బస్సులు, ట్రైన్ల వేళలను క్రోమ్‌ సెర్చ్‌లోనే తెలుసుకోవచ్చు. సెర్చ్‌ బార్‌లో ‘షెడ్యూల్‌’ అని టైప్‌ చేయగానే మీరున్న ప్రాంతానికి చెందిన రవాణా సర్వీసుల షెడ్యూల్‌ వివరాలు వెబ్‌సైట్‌ సజెషన్స్‌లో కనిపిస్తాయి.
• గూగుల్​ క్రోమ్​లో రెస్టారెంట్లను వెతకడం ఇక చాలా ఈజీ.  మనం రెస్టారెంట్‌ కోసం సెర్చ్ చేస్తే సెర్చ్‌ బార్‌ దగ్గర కొత్తగా 3 షార్ట్‌కట్‌ బటన్స్ డిస్‌ప్లే అవుతాయి. వాటి సాయంతో ఆ రెస్టారెంట్‌ ఫోన్‌ నంబర్‌, రూట్‌ మ్యాప్‌, రివ్యూలను సింగిల్‌ క్లిక్‌తో తెలుసుకోవచ్చు. ఇప్పటికే ఈ ఫీచర్ ఆండ్రాయిడ్ యూజర్లకు అందుబాటులో ఉండగా.. త్వరలో ఐఫోన్‌ యూజర్లకూ అందుబాటులోకి వస్తుంది.

Also Read :Army Chief – Navy Chief : ఆర్మీ, నేవీ చీఫ్​లుగా క్లాస్‌మేట్స్.. కొత్త చరిత్ర లిఖించిన ఫ్రెండ్స్