Yuvraj Singh: IPL 2025లో గుజరాత్ టైటాన్స్ ప్లేఆఫ్‌లో తమ స్థానాన్ని ఖరారు చేసుకున్న మొదటి జట్టుగా నిలిచింది. అయితే లీగ్ రౌండ్‌లోని చివరి రెండు మ్యాచ్‌లలో జట్టు ఓటమిని చవిచూడాల్సి వచ్చింది. మొదట లక్నో సూపర్ జెయింట్స్ వారిని ఓడించగా, ఆ తర్వాత చెన్నై సూపర్ కింగ్స్ కూడా వారిని చిత్తు చేసింది. ఇప్పుడు IPL ప్లేఆఫ్ ప్రారంభం కానున్న నేపథ్యంలో మొదటి క్వాలిఫయర్, ఎలిమినేటర్ మ్యాచ్‌లు ముల్లన్‌పూర్‌లోని మహారాజా యాదవీంద్ర సింగ్ ఇంటర్నేషనల్ క్రికెట్ స్టేడియంలో జరగనున్నాయి. గుజరాత్ జట్టు ఇప్పటికే ఈ వేదికకు చేరుకుంది.
యువరాజ్ సింగ్ జట్టు మెంటార్‌గా రావొచ్చు?
ప్రస్తుతం యువరాజ్ సింగ్ (Yuvraj Singh) త్వరలో గుజరాత్ టైటాన్స్‌తో మెంటార్ లేదా కోచ్‌గా చేరవచ్చనే చర్చలు జోరుగా సాగుతున్నాయి. ఇటీవల యువరాజ్ సింగ్, శుభ్‌మన్ గిల్‌ను చండీగఢ్‌లో కలిసి చూశారు. దీంతో యువీ ప్లేఆఫ్‌ల ముందు జట్టులో భాగం కావచ్చనే ఊహాగానాలు వేగంగా పుట్టుకొస్తున్నాయి. గుజరాత్ టైటాన్స్ సోషల్ మీడియాలో యువరాజ్, గిల్‌ల ఫోటోను కూడా పోస్ట్ చేసింది. దానికి క్యాప్షన్‌గా “కీ హాల్ చాల్?” అని రాసింది.
Also Read: KCR: కాళేశ్వ‌రం క‌మిష‌న్ ముందుకు కేసీఆర్‌.. ఆ లేఖ త‌ర్వాతే ఎందుకు?
యువరాజ్ సింగ్, శుభ్‌మన్ గిల్ మధ్య సంబంధాలు చాలా మంచివి. గిల్ కెరీర్ ప్రారంభంలో యువీ అతడిని ఎంతగానో మార్గదర్శనం చేశాడు. అతడి మెంటార్‌గా కూడా వ్యవహరించాడు. గిల్ ఆటలో యువరాజ్ పాత్ర కీలకమైనదిగా భావిస్తారు. IPL 2025 ప్రారంభం కాకముందు కూడా యువరాజ్ జట్టు సపోర్ట్ స్టాఫ్‌లో చేరవచ్చనే వార్తలు వచ్చాయి. దీని వెనుక ఒక కారణం ఏమిటంటే.. యువరాజ్, హెడ్ కోచ్ ఆశిష్ నెహ్రా మంచి స్నేహితులు.
Ki haal chaal, #TitansFAM? 😍 pic.twitter.com/yhnPEZTdJr
— Gujarat Titans (@gujarat_titans) May 26, 2025
గుజరాత్ టైటాన్స్ 2022లో IPLలో అడుగుపెట్టింది. మొదటి సీజన్‌లోనే హార్దిక్ పాండ్యా కెప్టెన్సీలో జట్టు టైటిల్ గెలుచుకుంది. 2023లో జట్టు మళ్లీ ఫైనల్‌కు చేరింది కానీ క‌ప్‌ గెలవలేకపోయింది. ఆ తర్వాత 2024లో హార్దిక్ ముంబై ఇండియన్స్‌కు తిరిగి వెళ్లాడు. కెప్టెన్సీ శుభ్‌మన్ గిల్‌కు అప్పగించబడింది. 2024లో జట్టు ప్రదర్శన బాగలేదు. కానీ 2025లో గిల్ కెప్టెన్సీలో జట్టు మళ్లీ ప్లేఆఫ్‌లోకి ప్రవేశించింది.