World Test Championship: నేటి నుండి లార్డ్స్ క్రికెట్ గ్రౌండ్లో దక్షిణాఫ్రికా- ఆస్ట్రేలియా మధ్య ఐసీసీ వరల్డ్ టెస్ట్ ఛాంపియన్షిప్ (World Test Championship) ఫైనల్ మ్యాచ్ జరగనుంది. ఈ మ్యాచ్కు వర్షం ఆటంకం కలిగించే అవకాశాలు ఎక్కువ ఉన్నాయి. వాతావరణ శాఖ ప్రకారం.. శుక్రవారం, ఆదివారం భారీ వర్షం కురిసే అవకాశం ఉంది. నియమాలతో పాటు మ్యాచ్ డ్రా అయితే విజేత ఎవరవుతారో ఇప్పుడు తెలుసుకుందాం.
లార్డ్స్ క్రికెట్ గ్రౌండ్లో వాతావరణం ఎలా ఉంటుంది?
దక్షిణాఫ్రికా vs ఆస్ట్రేలియా WTC ఫైనల్లో వాతావరణం గురించి చెప్పాలంటే.. వర్షం కురిసే అవకాశం ఉంది. మొదటి రోజు వర్షం అవకాశాలు తక్కువగా ఉన్నప్పటికీ.. శుక్రవారం, మ్యాచ్ చివరి రోజు ఆదివారం భారీ వర్షం కురిసే అవకాశం ఉంది. అయితే ఇంగ్లండ్ వాతావరణం హఠాత్తుగా మారిపోతుంది. కాబట్టి మొదటి రోజు ఆట కూడా వర్షం వల్ల ప్రభావితమైతే ఆశ్చర్యం లేదు.
ఐసీసీ WTC ఫైనల్లో రిజర్వ్ డే నియమం ఏమిటి?
జూన్ 11 నుండి జూన్ 15 వరకు దక్షిణాఫ్రికా- ఆస్ట్రేలియా మధ్య వరల్డ్ టెస్ట్ ఛాంపియన్షిప్ ఫైనల్ జరగనుంది. జూన్ 16న రిజర్వ్ డే నిర్ణయించారు. కానీ ఈ రోజున మ్యాచ్ ఎప్పుడు ఆడతారు? దీనికి కూడా ఒక నియమం ఉంది. రిజర్వ్ డేలో మ్యాచ్ అప్పుడే జరుగుతుంది. ఒకవేళ నిర్ణీత ఐదు రోజులలో వర్షం, తక్కువ వెలుతురు లేదా ఇతర కారణాల వల్ల మ్యాచ్ను త్వరగా ముగించాల్సి వస్తే లేదా మ్యాచ్ పూర్తి ఓవర్లు ఆడలేకపోతే రిజర్వ్ డేని ఉపయోగిస్తారు. ఒకవేళ ఐదు రోజులూ మ్యాచ్ నిర్ణీత ఓవర్ల ప్రకారం జరిగితే రిజర్వ్ డే ఉండదు.
Also Read: Mangli Birthday Party: మంగ్లీ బర్త్ డే పార్టీలో గంజాయి కలకలం.. సినీ ప్రముఖులు అరెస్ట్?
SA vs AUS WTC ఫైనల్ డ్రా అయితే ఏమవుతుంది?
ఇప్పుడు అతి పెద్ద ప్రశ్న ఏమిటంటే.. వరల్డ్ టెస్ట్ ఛాంపియన్షిప్ ఫైనల్ డ్రా అయితే టైటిల్ ఎవరికి దక్కుతుంది? విజేతగా నిలిచినప్పుడు లభించే బహుమతి డబ్బు ఎవరికి దక్కుతుంది? ఒకవేళ WTC ఫైనల్ మ్యాచ్ డ్రాలో ముగిస్తే రెండు జట్లను సంయుక్తంగా విజేతలుగా ప్రకటిస్తారా? ట్రోఫీని రెండు జట్లు పంచుకుంటాయా? ప్రైజ్మనీని రెండు భాగాలుగా విభజిస్తారా లాంటి ప్రశ్నలు వస్తుంటాయి.
WTC ఫైనల్ ప్రైజ్ మనీ ఎంత?
ఐసీసీ వరల్డ్ టెస్ట్ ఛాంపియన్షిప్ ఫైనల్ గెలిచిన జట్టుకు సుమారు 30.79 కోట్ల రూపాయలు లభిస్తాయి. రన్నర్-అప్ అంటే ఫైనల్లో ఓడిన జట్టుకు సుమారు 18.47 కోట్ల రూపాయలు లభిస్తాయి. ఒకవేళ మ్యాచ్ డ్రా అయితే ప్రైజ్ మనీని ఐసీసీ ఇరు జట్లకు సమానంగా పంచే అవకాశాలు ఎక్కువగా ఉన్నాయి.
దక్షిణాఫ్రికా జట్టు
- రియాన్ రికెల్టన్, ఎడన్ మార్క్రమ్, టెంబా బవుమా (కెప్టెన్), వియాన్ ముల్డర్, ట్రిస్టన్ స్టబ్స్, డేవిడ్ బెడింగ్హామ్, కైల్ వెరిన్ (వికెట్ కీపర్), మార్కో యాన్సెన్, కేశవ్ మహారాజ్, కగిసో రబాడా, లుంగీ ఎన్గిడీ.
ఆస్ట్రేలియా జట్టు
- ఉస్మాన్ ఖవాజా, మార్నస్ లబుషేన్, కామెరాన్ గ్రీన్, స్టీవ్ స్మిత్, ట్రావిస్ హెడ్, బ్యూ వెబ్స్టర్, ఆలెక్స్ కేరీ (వికెట్ కీపర్), పాట్ కమిన్స్ (కెప్టెన్), మిచెల్ స్టార్క్, నాథన్ లియాన్, జోష్ హేజిల్వుడ్.