Shikhar Dhawan: అంతర్జాతీయ, దేశవాళీ క్రికెట్‌కు శిఖర్ ధావన్ (Shikhar Dhawan) రిటైర్మెంట్ ప్రకటించాడు. ఇలాంటి పరిస్థితుల్లో శిఖర్ ధావన్ ఐపీఎల్‌లో కనిపిస్తాడా లేదా అన్నది ప్రశ్న. దీనికి శిఖర్ ధావన్ కూడా తన వీడియో సందేశంలో సమాధానమిచ్చాడు. తన రిటైర్మెంట్‌ను ప్రకటించిన శిఖర్ ధావన్.. త‌న‌కు ఒక కల ఉందని, అది భారత్‌కు ఆడాలని, ఆ కలను నెరవేర్చుకున్నాను అని తెలిపాడు.
తన క్రికెట్ కెరీర్‌కు సహకరించిన చాలా మందిని శిఖర్ ధావన్ గుర్తు చేసుకున్నారు. ధావన్‌కు క్రికెట్ నేర్పిన తన చిన్ననాటి కోచ్‌లు తారక్‌ సిన్హా, మదన్‌ శర్మలను కూడా గుర్తు చేసుకున్నారు. శిఖర్ ధావన్ కూడా తాను భాగమైన భారత క్రికెట్‌ను గుర్తు చేసుకున్నాడు. అతను టీమిండియాను తన కుటుంబం అని పిలిచాడు. పేరు, ఖ్యాతి, అభిమానుల ప్రేమ లభించాయని అన్నారు. జీవితంలో ముందుకు వెళ్లాలంటే పేజీలు తిరగేయడం చాలా ముఖ్యం అని శిఖర్ ధావన్ వీడియోలో స్ప‌ష్టం చేశారు. బీసీసీఐ, డీడీసీఏలకు కృతజ్ఞతలు తెలిపిన ధావన్ అభిమానులకు కూడా కృతజ్ఞతలు తెలిపాడు.
Also Read: Shikhar Dhawan Retirement: క్రికెట్‌కు రిటైర్మెంట్ ప్రకటించిన శిఖర్ ధావన్..!
ధావన్ ఐపీఎల్‌లో ఆడతారా లేదా?
మ‌నం శిఖర్ ధావన్ వీడియో సందేశాన్ని పరిశీలిస్తే.. అది భారత జట్టుతో అతని ప్రయాణం చిత్రాలను మాత్రమే కాకుండా, IPL ఫ్రాంచైజీలు పంజాబ్ కింగ్స్, సన్‌రైజర్స్ హైదరాబాద్‌తో అతని అనుబంధాన్ని కూడా చూపుతుంది. ఫ్రాంచైజీ జెర్సీ వీడియోలో ప్రదర్శించబడింది. అయితే అంతర్జాతీయ, దేశవాళీ క్రికెట్‌కు ధావన్ రిటైర్మెంట్ ప్రకటించాడు. అందులో ఎక్కడా ఐపీఎల్ ప్రస్తావన లేదు. గత ఐపీఎల్‌లో శిఖర్ ధావన్ పంజాబ్ కింగ్స్‌లో భాగంగా ఉన్నాడు. దీంతో ధావన్ ఐపీఎల్ 2025లో ఆడే అవ‌కాశం ఉన్న‌ట్లు తెలుస్తోంది.
We’re now on WhatsApp. Click to Join.
ధావన్ అంతర్జాతీయ కెరీర్ అద్భుతంగా సాగింది
2010లో ఆస్ట్రేలియాపై అరంగేట్రం చేసిన ధావన్ అంతర్జాతీయ క్రికెట్‌లో 10 వేలకు పైగా పరుగులు చేశాడు. ధావన్ బ్యాట్ నుంచి 24 సెంచరీలు ఉన్నాయి. వన్డేల్లో 17 సెంచరీలు, టెస్ట్ మ్యాచ్‌లలో 7 సెంచరీలు ఉన్నాయి. ధావన్ 2013 ఛాంపియన్స్ ట్రోఫీలో అద్భుత ప్రదర్శన చేశాడు. ఐసిసి టోర్నమెంట్‌లో ఎంఎస్ ధోని నేతృత్వంలోని జట్టును ఛాంపియన్‌గా మార్చడంలో కీలక పాత్ర పోషించాడు. ఛాంపియన్స్ ట్రోఫీలో 5 మ్యాచ్‌లు ఆడిన ధావన్ 90.75 సగటుతో 363 పరుగులు చేశాడు.