MS Dhoni Fan: ఐపీఎల్ 2024లో గత రాత్రి అంటే మే 10వ తేదీన అహ్మదాబాద్‌లోని నరేంద్ర మోదీ స్టేడియంలో గుజరాత్ టైటాన్స్, చెన్నై సూపర్ కింగ్స్ మధ్య మ్యాచ్ జరిగింది. ఈ మ్యాచ్‌లో జీటీ 35 పరుగుల తేడాతో అద్భుత విజయం సాధించింది. 232 పరుగుల లక్ష్యంతో బరిలోకి దిగిన CSK కేవలం 196 పరుగులు మాత్రమే చేయగలిగింది. టీమిండియా మాజీ కెప్టెన్ ఎంఎస్ ధోని అజేయ ఇన్నింగ్స్ ఆడినా తన జట్టును విజయపథంలో నడిపించలేకపోయాడు. ఇంతలో లైవ్ మ్యాచ్ జరుగుతున్న సమయంలో ఓ అభిమాని ధోనిని (MS Dhoni Fan) కలిసేందుకు మైదానం మధ్యలోకి చేరుకుని ధోని పాదాలపై పడ్డాడు. అయితే కెప్టెన్ కూల్ అతడిని పైకి లేపి కౌగిలించుకున్న వీడియో సోషల్ మీడియాలో వైరల్ అవుతోంది.
ఐపీఎల్ 2024లో గుజరాత్ టైటాన్స్‌పై చెన్నై సూపర్ కింగ్స్ పరుగులను ఛేదించలేక‌పోయింది. ఈ సమయంలో ఆ జట్టు 35 పరుగుల తేడాతో ఓటమిని చవిచూడాల్సి వచ్చింది. ఈ మ్యాచ్‌లో ఎంఎస్ ధోని 11 బంతుల్లో 1 ఫోర్, 3 సిక్సర్ల సాయంతో 26 పరుగులతో అజేయంగా నిలిచాడు. అతను తన జట్టును గెలిపించలేకపోయాడు. కానీ అతను తన బ్యాటింగ్‌తో మళ్ళీ అందరి హృదయాలను గెలుచుకున్నాడు. నిజానికి రెండో ఇన్నింగ్స్‌లో చివరి 3 బంతులు మిగిలి ఉండగానే ధోని బ్యాటింగ్ చేస్తున్న సమయంలో అతని అభిమాని మైదానం మధ్యలోకి వ‌చ్చి ధోనీ కాళ్లపై పడ్డాడు. అయితే ధోనీ అతడిని కాళ్లపై నుంచి లేపి కౌగిలించుకున్నాడు.
Also Read: Barron Trump : పొలిటికల్ ఎంట్రీపై ట్రంప్ చిన్న కొడుకు యూటర్న్.. ఎందుకు ?
మొదటి అభిమానిని చూసి ఎంఎస్ ధోని సరదాగా పారిపోవడం ప్రారంభించడం మీరు వీడియోలో స్పష్టంగా చూడవచ్చు. ఆ తర్వాత అతనే ఫ్యాన్ వైపు వెళ్లి ఆప్యాయంగా ప‌ల‌కరించాడు. ఈ స‌మ‌యంలోనే ఫ్యాన్ కెప్టెన్ కూల్ కాళ్లపై ప‌డ‌తాడు. కానీ ధోని ఇది చూడలేక అతనిని పైకి లేపి కౌగిలించుకున్నాడు. ప్రస్తుతం ధోనీకి సంబంధించిన ఈ వీడియో సోషల్ మీడియాలో వైరల్ అవుతోంది. ప్రజలు కూడా ఈ వీడియోను బాగా ఇష్టపడుతున్నారు.
We’re now on WhatsApp : Click to Join
Best moments of IPL 🥹💛
That Hug and That smile
Mahi The Man The Myth The Legend 🥰 Demi God for Millions of Indians 🇮🇳 Ms Dhoni 🐐 #DHONI𓃵#ChennaiSuperKings#CSKvGT #Ahmedabad #TATAIPL2024 #T20WorldCup2024 pic.twitter.com/m8MA8YdKzh— Srinivas Mallya🇮🇳 (@SrinivasMallya2) May 11, 2024
GT vs CSK మ్యాచ్ ఇలా జరిగింది
తొలుత బ్యాటింగ్ చేసిన గుజరాత్ టైటాన్స్ 20 ఓవర్లలో 231 పరుగులు చేసింది. సాయి సుదర్శన్, శుభ్‌మన్ గిల్ ఇద్దరూ సెంచరీ ఇన్నింగ్స్ ఆడారు. గిల్ 104, సుదర్శన్ 103 పరుగులు చేశారు. బ‌దులుగా 20 ఓవర్లలో CSK 196 పరుగులు మాత్రమే చేయగలిగింది. జట్టు తరఫున డారిల్ మిచెల్, మోయిన్ అలీ అర్ధ సెంచరీలు చేశారు. ఇది కాకుండా ధోని కూడా అద్భుతమైన ఇన్నింగ్స్ ఆడాడు. అయినప్పటికీ జట్టు 35 పరుగుల తేడాతో ఓటమిని ఎదుర్కోవలసి వచ్చింది.