Virat Kohli Runs: న్యూజిలాండ్‌తో జరుగుతున్న తొలి టెస్టు రెండో ఇన్నింగ్స్‌లో భారత్ దూకుడుగా ఆడింది. మూడో రోజు ఆట ముగిసే సమయానికి 3 వికెట్ల నష్టానికి 231 పరుగులు చేసిన భారత్.. 125 పరుగుల వెనకంజలో ఉంది. టీమిండియా బ్యాటర్లలో జైశ్వాల్ (35), రోహిత్ (52), కోహ్లీ(70)లు రాణించారు. క్రీజులో సర్ఫరాజ్ (70*) ఉన్నాడు. మొదటి ఇన్నింగ్స్ లో కివీస్ 402 పరుగులకు ఆలౌట్ అయింది. భారత్ తొలి ఇన్నింగ్స్‌లో 46 పరుగులు చేసింది.
బెంగళూరు గడ్డపై టీమిండియా స్టార్ బ్యాట్స్మెన్ విరాట్ కోహ్లీ (Virat Kohli Runs) బ్యాట్ జోరుగా మాట్లాడుతోంది. టెస్టు రెండో ఇన్నింగ్స్‌లో ఆడుతున్న విరాట్ 2024లో తొలి అర్ధ సెంచరీని నమోదు చేశాడు. ఈ హాఫ్ సెంచ‌రీతో విరాట్ టెస్టు క్రికెట్‌లో 9 వేల పరుగులు కూడా పూర్తి చేశాడు. భారత్ నుంచి ఈ ఘనత సాధించిన నాలుగో బ్యాట్స్‌మెన్‌గా కోహ్లీ నిలిచాడు. విరాట్ కంటే ముందు సచిన్ టెండూల్కర్, రాహుల్ ద్రవిడ్, సునీల్ గవాస్కర్ మాత్రమే ఈ స్థానాన్ని సాధించగలిగారు.
Also Read: Gautam Adani 100 Crores: తెలంగాణ కోసం రూ. 100 కోట్ల విరాళం ప్ర‌క‌టించిన అదానీ
కోహ్లీ 9 వేల పరుగులు పూర్తి చేశాడు
టెస్టు క్రికెట్‌లో విరాట్ కోహ్లీ 9 వేల పరుగులు పూర్తి చేశాడు. విలియం ఓ రూర్క్ వేసిన బంతికి పరుగు తీసి టెస్టు క్రికెట్‌లో కోహ్లీ ఈ ఘనత సాధించాడు. భారత్ నుంచి ఈ స్థానం సాధించిన నాలుగో బ్యాట్స్మెన్ విరాట్. కోహ్లీ కంటే ముందుఈ ఘనత సాధించిన వారిలో సచిన్ టెండూల్కర్, రాహుల్ ద్రవిడ్, సునీల్ గవాస్కర్ ఉన్నారు. అయితే ఈ దిగ్గజాలతో పోలిస్తే విరాట్ సుదీర్ఘమైన క్రికెట్ ఫార్మాట్‌లో నెమ్మదిగా 9 వేల పరుగులు పూర్తి చేశాడు. కోహ్లి అద్భుతంగా బ్యాటింగ్ చేసి 2024లో టెస్టుల్లో తొలి అర్ధ సెంచరీని నమోదు చేశాడు. విరాట్ ఆరంభం నుండే లయలో ఉన్నట్లు కనిపించాడు. న్యూజిలాండ్ బౌలర్లపై ఫ్రీ షాట్లు చేశాడు. విరాట్ కేవలం 70 బంతుల్లోనే అర్ధశతకం పూర్తి చేసుకున్నాడు. 70 పరుగుల వ్య‌క్తిగ‌త స్కోర్ వ‌ద్ద కోహ్లీ మ‌డో వికెట్‌గా ఔట‌య్యాడు. దీంతో ఆట మూడో రోజు కూడా ముగిసిన‌ట్లు అంపైర్లు ప్ర‌క‌టించారు.
సర్ఫరాజ్‌తో సెంచరీ భాగస్వామ్యం
యశస్వి జైస్వాల్, రోహిత్ శర్మ పెవిలియన్‌కు చేరిన తర్వాత క్రీజులోకి వ‌చ్చిన విరాట్ కోహ్లీ స్కోర్ బోర్డుని పెంచే బాధ్యత స్వీకరించాడు. కోహ్లి జాగ్రత్తగా ఇన్నింగ్స్ ప్రారంభించాడు. కానీ క్రీజులో సెట్ అయిన తర్వాత విరాట్ త‌న‌దైన షాట్ల‌తో కివీస్ బౌలర్లపై రెచ్చిపోయాడు. మరో ఎండ్ నుంచి సర్ఫరాజ్ ఖాన్ నుంచి కూడా కోహ్లీకి మంచి మద్దతు లభించింది. వీరిద్దరూ మూడో వికెట్‌కి సెంచరీ భాగస్వామ్యాన్ని పూర్తి చేశారు. సర్ఫరాజ్ కేవలం 42 బంతుల్లోనే అర్ధ సెంచరీ పూర్తి చేసుకున్నాడు.