DC v RCB: మ్యాచ్ తర్వాత చేతులు కలిపిన కోహ్లీ, గంగూలీ.. ఆనందంలో ఫ్యాన్స్.. వీడియో వైరల్..!

Resizeimagesize (1280 X 720) 11zon

IPL 2023లో తొలిసారిగా రాయల్ ఛాలెంజర్స్ బెంగళూరుతో ఢిల్లీ క్యాపిటల్స్ (DC) తలపడినప్పుడు, ఆర్సీబి (RCB) స్టార్ బ్యాట్స్‌మెన్ విరాట్ కోహ్లీ (Virat Kohli), ఢిల్లీ క్యాపిటల్స్ క్రికెట్ డైరెక్టర్ సౌరవ్ గంగూలీ (Sourav Ganguly) మధ్య చాలా టెన్షన్ నెలకొంది. ఆ మ్యాచ్‌కు సంబంధించిన అనేక వీడియోలు బయటకు వచ్చాయి. ఇందులో కోహ్లి గంగూలీపై దూకుడు చూపుతున్నట్లు కనిపించింది. అయితే మ్యాచ్ తర్వాత ఈ ఇద్దరు కరచాలనం చేయలేదు. ఇప్పుడు ఢిల్లీలోని అరుణ్ జైట్లీ స్టేడియంలో శనివారం రాత్రి ఇరు జట్లు మళ్లీ తలపడడంతో అభిమానులు మరోసారి హై వోల్టేజ్ డ్రామాను చూడటానికి వేచి ఉన్నారు. మ్యాచ్‌లో ప్రతి అభిమాని చూపు కోహ్లీ, దాదా వైపే ఉంది. అదే సమయంలో మ్యాచ్ ముగిసిన తర్వాత ఈసారి షేక్ హ్యాండ్ ఇస్తారో లేదో చూడాలని అంతా అనుకున్నారు.

కానీ ఈసారి అలాంటిదేమీ జరగలేదు. ఢిల్లీ వర్సెస్ బెంగళూరు మ్యాచ్ తర్వాత విరాట్ కోహ్లీ, సౌరవ్ గంగూలీ ఇద్దరూ కరచాలనం చేసుకున్నారు. ఈ ఘటనకు సంబంధించిన వీడియో సోషల్ మీడియాలో విపరీతంగా వైరల్ అవుతోంది. ఈ మ్యాచ్‌లో రాయల్ ఛాలెంజర్స్ బెంగళూరు కెప్టెన్ ఫాఫ్ డుప్లెసీ టాస్ గెలిచి ముందుగా బ్యాటింగ్ ఎంచుకున్నాడు. విరాట్‌ కోహ్లి, మహిపాల్‌ లోమ్‌రోర్‌ హాఫ్‌ సెంచరీల ఆధారంగా బెంగళూరు 181 పరుగులకే ఆలౌటైంది. కోహ్లి తన ఇన్నింగ్స్‌లో 55 పరుగుల సమయంలో ఐపిఎల్‌లో 7000 పరుగులు పూర్తి చేశాడు.

Also Read: DC vs RCB: హోం గ్రౌండ్ లో అదరగొట్టిన ఢిల్లీ… కీలక మ్యాచ్ లో బెంగుళూరుపై గెలుపు

182 పరుగుల లక్ష్యాన్ని ఢిల్లీ 20 బంతులు మిగిలి ఉండగానే సాధించింది. DC తరపున ఫిల్ సాల్ట్ 87 పరుగులతో మెరుపు ఇన్నింగ్స్ ఆడాడు. ఈ ఇన్నింగ్స్‌కు ప్లేయర్ ఆఫ్ ద మ్యాచ్ అవార్డు కూడా అందుకున్నాడు. ఈ విజయంతో ఢిల్లీ 8 పాయింట్లతో పాయింట్ల పట్టికలో 10వ స్థానం నుంచి 9వ స్థానానికి ఎగబాకింది.