Team India Schedule: IPL 2024లో వివిధ జట్లతో ఆడిన తర్వాత భారత జట్టు ఆటగాళ్లు ఏకమై 2024 T20 ప్రపంచ కప్ కోసం అమెరికా చేరుకున్నారు. జూన్ 2 నుంచి టీ20 ప్రపంచకప్ ప్రారంభం కానుంది. రోహిత్ శర్మ సారథ్యంలోని టీమిండియా జూన్ 05న ఐర్లాండ్‌తో టోర్నీలో తొలి మ్యాచ్ ఆడనుంది. టీ20 వరల్డ్‌కప్ తర్వాత టీమ్ ఇండియా (Team India Schedule)కు మ్యాచ్‌లు ఉండవు లేదా చాలా తక్కువ అని మీరు అనుకుంటే.. మీరు ప‌ప్పులో కాలేసిన‌ట్లే. తదుపరి IPL 2025 వరకు టీమ్ ఇండియా పూర్తి షెడ్యూల్ ఏమిటో ఇప్పుడు తెలుసుకుందాం.
2024 నుంచి టీ20 ప్రపంచకప్ ప్రారంభం కానుంది
- IPL 2024 తర్వాత టీమ్ ఇండియా T20 ప్రపంచ కప్ 2024 ఆడుతుంది. ఇది జూన్ 2న ప్రారంభమవుతుంది. ఫైనల్ జూన్ 29 న జరుగుతుంది.
- టీ20 ప్రపంచకప్ తర్వాత టీమ్ ఇండియా ఐదు మ్యాచ్‌ల టీ20 సిరీస్ కోసం జింబాబ్వేలో పర్యటించనుంది.
- అనంత‌రం మెన్ ఇన్ బ్లూ శ్రీలంకలో పర్యటిస్తుంది. అక్కడ 3 ODI, 3 T20 అంతర్జాతీయ మ్యాచ్‌ల సిరీస్ ఆడనుంది.
- ఆ తర్వాత బంగ్లాదేశ్ జట్టు భారత్‌లో పర్యటించనుంది. 2 టెస్టులు, 3 T20 ఇంటర్నేషనల్ మ్యాచ్‌ల సిరీస్ ఆడనుంది.
- అనంత‌రం స్వదేశంలో న్యూజిలాండ్‌తో భారత జట్టు మూడు మ్యాచ్‌ల టెస్టు సిరీస్‌ను ఆడనుంది.
- దీని తర్వాత ఆస్ట్రేలియాతో 5 మ్యాచ్‌ల టెస్ట్ సిరీస్ ఉంటుంది. దీనికి ఆస్ట్రేలియా ఆతిథ్యం ఇవ్వనుంది.
- ఆసీస్ తో సిరీస్ తర్వాత భారత జట్టు స్వదేశంలో ఇంగ్లండ్‌తో 3 వన్డేలు, 5 టీ20ల సిరీస్ ఆడనుంది.
Also Read: T20 Cup: కోహ్లీ, రోహిత్ శర్మ T20 కప్ కొట్టాలంటే ఈ జాగ్రత్తలు తీసుకోవాల్సిందే
ఆ త‌ర్వాల ICC ఛాంపియన్స్ ట్రోఫీ 2025 ఆడటానికి సమయం వస్తుంది. ఛాంపియన్స్ ట్రోఫీకి పాకిస్థాన్ ఆతిథ్యం ఇస్తోందని మ‌న‌కు తెలిసిందే. అయితే, ఛాంపియన్స్ ట్రోఫీ కోసం టీమ్ ఇండియా పాకిస్థాన్‌లో పర్యటించబోదని తాజాగా వెలువడ్డ మీడియాలో వార్తలు వచ్చాయి. ఇలాంటి పరిస్థితుల్లో టోర్నీకి సంబంధించి ఎలాంటి పరిష్కారం వస్తుందనేది ఆసక్తికరంగా మారింది. ఎలాంటి అధికారిక సమాచారం ఇంకా వెల్లడి కాలేదు.
పైన పేర్కొన్న అన్ని ద్వైపాక్షిక సిరీస్‌లు లేదా ICC టోర్నమెంట్లలో T20 ప్రపంచ కప్ 2024 మినహా, ఏదీ షెడ్యూల్ ప్రకటించబడలేదు.
We’re now on WhatsApp : Click to Join